காம்பாக்ட் எஸ்யூவி சந்தையில் ஏற்கனவே தனது அதிரடியான டிசைன் மற்றும் வசதிகளால் வாடிக்கையாளர்களைக் கவர்ந்துள்ள மஹிந்திரா நிறுவனம், தற்போது XUV 3XO CNG மாடலை அதிகாரப்பூர்வமாக ஆரம்ப எக்ஸ்-ஷோரூம் விலை ரூ.9.99 லட்சம் என நிர்ணயிக்கப்பட்டுள்ளது.
ஏற்கனவே டர்போ-பெட்ரோல், டீசல் மற்றும் எலெக்ட்ரிக் (EV) வடிவங்களில் விற்பனையாகி வரும் XUV 3XO, தற்போது CNG பிரிவிலும் இணைந்திருப்பது வாடிக்கையாளர்களுக்குக் கூடுதல் தேர்வை வழங்குகிறது. இந்தப் புதிய CNG மாடலுக்கான முன்பதிவு மற்றும் டெலிவரி வரும் அக்டோபர் 20, 2026 முதல் தொடங்குகிறது.
1.2 லிட்டர் MPFI டர்போ-பெட்ரோல் இன்ஜின் பயன்படுத்தப்பட்டுள்ளது. மேம்படுத்தப்பட்ட டர்போசார்ஜர் மற்றும் துல்லியமான ECU மேப்பிங் காரணமாக, பெட்ரோல் மற்றும் CNG என இரண்டு மோடுகளிலுமே சற்றும் குறையாமல் 111 hp பவரையும், 200 Nm டார்க்கையும் இந்த இன்ஜின் வெளிப்படுத்துகிறது.
இந்த இன்ஜின் 6-ஸ்பீடு மேனுவல் கியர்பாக்ஸுடன் மட்டுமே இணைக்கப்பட்டுள்ளது. இது ஒரு கிலோ CNG-க்கு 24.7 km/kg மைலேஜ் தரும் என மஹிந்திரா அதிகாரப்பூர்வமாகத் தெரிவித்துள்ளது. இந்த காரில் CNG அளவு குறையும்போது, ஓட்டுநருக்கு எந்தச் சிரமமும் இன்றி தானாகவே பெட்ரோல் மோடுக்கு (Auto-switch to Petrol) மாறிக்கொள்ளும் நவீன வசதியும் இதில் உள்ளது.
CNG கார்கள் என்றாலே பூட் ஸ்பேஸ் சுத்தமாக இருக்காது என்ற கவலையைப் போக்கும் வகையில் மஹிந்திரா இதில் ‘டூயல்-டேங்க்’ எனப்படும் இரட்டை சிலிண்டர் தொழில்நுட்பத்தைப் பயன்படுத்தியுள்ளது. இதன் மூலம் டிக்கியில் 270 லிட்டர் பூட் ஸ்பேஸ் தாராளமாகக் கிடைக்கிறது. மேலும், ஸ்பேர் வீல் காரின் அடிப்பகுதியில் (Under-body mounted) பொருத்தப்பட்டுள்ளதால், நீண்ட தூரக் குடும்பப் பயணங்களின்போது லக்கேஜ்களை வைப்பதில் எந்தச் சிரமமும் இருக்காது.
XUV 3XO மாடலுக்கும் இதற்கும் பெரிய வித்தியாசம் இல்லை. பின்பக்க டெயில்கேட்டில் இடம்பெற்றுள்ள ‘ZNG’ பேட்ஜ் மட்டுமே இது ஒரு CNG கார் என்பதை அடையாளப்படுத்துகிறது.
எக்ஸ்-ஷோரூம் விலைப் பட்டியல்
- MX Edge – ரூ. 9.99 லட்சம்
- RevX Edge (O) – ரூ. 10.79 லட்சம்
- AX5 – ரூ. 11.19 லட்சம்
- RevX A – ரூ. 12.27 லட்சம்
