கியா இந்தியா நிறுவனம் தனது இரண்டாவது மாஸ்-மார்க்கெட் எலக்ட்ரிக் எஸ்யூவி வாகனமான புதிய கியா சிரோஸ் EV மாடலை உலகளவில் முதன்முறையாக இந்தியாவில் காட்சிப்படுத்தியுள்ளது. அத்துடன் இந்த காருக்கான அதிகாரப்பூர்வ முன்பதிவுகளும் வெறும் ₹25,000 டோக்கன் முன்பணத்துடன் நாடு முழுவதும் தற்பொழுது தொடங்கியுள்ளன.
கச்சிதமான 4 மீட்டருக்கு குறைந்த அளவிலான டால்-பாய் டிசைன் மற்றும் எதிர்கால மார்டன் அம்சங்களுடன் வந்துள்ள இந்த கார், இந்திய வாடிக்கையாளர்களின் லாங்-டிரைவ் கனவை நனவாக்கும் வகையில் மிகச்சிறந்த பேட்டரி திறனுடன் உருவாக்கப்பட்டுள்ளது.
சிரோஸ் இவி மாடலில் வாடிக்கையாளர்களின் தேவைக்கேற்ப 42 kWh மற்றும் 51.4 kWh என இரண்டு விதமான நிக்கல் மாங்கனீஸ் கோபால்ட் (NMC) பேட்டரி ஆப்ஷன்கள் வழங்கப்படுகின்றன. இந்த இரு பேட்டரிகளும் ஏற்கனவே க்ரெட்டா இவி, காரன்ஸ் எலக்ட்ரிக் ஆகியவற்றிலும் இடம்பெற்றுள்ளது.
இதில் சிறிய 42 kWh பேட்டரி மாடல் 443 கிமீ ரேஞ்ச் தரும் வேளையில், பெரிய 51.4 kWh எக்ஸ்டெண்டட் ரேஞ்ச் (Extended Range) மாடல் இந்த பிரிவிலேயே முதன்முறையாக அதிகபட்சமாக 526 கிமீ ARAI ரேஞ்ச் வழங்குகிறது.
இந்த ER மாடலில் உள்ள சக்திவாய்ந்த எலக்ட்ரிக் மோட்டார் 171 PS பவரை வெளிப்படுத்துவதுடன், வெறும் 8.1 வினாடிகளில் 0-100 கி.மீ வேகத்தை எட்டிவிடும். மேலும், 100 kW டிசி (DC) ஃபாஸ்ட் சார்ஜரைப் பயன்படுத்தினால், வெறும் 39 நிமிடங்களில் இதன் பேட்டரியை 10 சதவீதத்தில் இருந்து 80 சதவீதம் வரை மிக வேகமாக சார்ஜ் செய்துவிட முடியும்.
12.3-இன்ச் டச் ஸ்கிரீன் மற்றும் 12.3-இன்ச் டிஜிட்டல் கிளஸ்டர் உள்ளடங்கிய பிரம்மாண்டமான 30-இன்ச் டிரினிட்டி பேனரோமிக் டிஸ்ப்ளே ஆகும். இவற்றுடன் இரட்டைப் பேனல் பேனரோமிக் சன்ரூஃப், இந்திய கோடைகாலத்திற்கு ஏற்றவாறு முன் மற்றும் பின் இருக்கைகளில் வழங்கப்பட்டுள்ள வென்டிலேட்டட் சீட்ஸ் வசதி, 8 ஸ்பீக்கர்கள் கொண்ட பிரீமியம் ஹர்மன் கார்டன் சவுண்ட் சிஸ்டம் மற்றும் விபத்துகளைத் தடுக்கும் 16 தானியங்கி அம்சங்கள் கொண்ட Level 2 ADAS போன்ற பல சொகுசு வசதிகள் இதில் இடம்பெற்றுள்ளன.
வாடிக்கையாளர்களின் நிம்மதிக்காக வாழ்நாள் பேட்டரி வாரண்டி (Lifetime High Voltage Battery Warranty) மற்றும் ஆரம்ப விலையைக் குறைக்கும் பேட்டரி-அஸ்-எ-சர்வீஸ் (BaaS) நிதியுதவி திட்டத்தையும் கியா வழங்குகிறது. நவீன வசதிகளும், அசாத்திய ரேஞ்சும் கொண்ட ஒரு சிறந்த எலக்ட்ரிக் ஃபேமிலி காரை தேடுபவர்களுக்கு இந்த கியா சிரோஸ் EV ஒரு பிரமாதமான சாய்ஸ் என்பதில் மாற்றுக் கருத்து இல்லை.
