Author: MR.Durai

சுசூகி நிறுவனம் புதிய காம்பெக்ட் எஸ்யூவி வருகிற பிராங்ஃபர்ட் மோட்டார் ஷோவில் அறிமுகப்படுத்த உள்ளதை உறுதிசெய்யும் வகையில் டீசர் படங்களை வெளியிட்டுள்ளது.கடந்த 2011 ஆம் ஆண்டில் டெல்லி ஆட்டோ எக்ஸ்போவில் பார்வைக்கு வைக்கப்பட்ட எக்ஸ்ஏ ஆல்ஃபா எஸ்யூவி காரை ஒத்திருப்பதால் இதே எஸ்யூவி அடுத்த ஆண்டு மாருதி இந்தியாவில் விற்பனைக்கு கொண்டு வரலாம்.இந்த புதிய மினி எஸ்யூவி காரின் பெயர் ஐவி-4 என சுசூகி பெயரிட்டுள்ளது. இந்த எஸ்யூவி ரெனோ டஸ்டர், ஈக்கோஸ்போர்ட் , போன்ற கார்களுக்கு மாபெரும் சவாலினை தரலாம் என எதிர்பார்க்கப்படுகின்றது.

ஃபோர்ஸ் மோட்டார்ஸ் நிறுவனம் ஃபோர்ஸ் ஒன் எஸ்யூவி காரில் இரண்டு புதிய வேரியண்ட்களை அறிமுகப்படுத்தியுள்ளது. இஎக்ஸ் மற்றும் எஸ்எக்ஸ் வேரியண்ட்கள் விற்பனைக்கு வந்துள்ளன.ஃபோர்ஸ் ஒன் எஸ்யூவி இரண்டு ஆண்டுகளுக்கு முன் விற்பனைக்கு வந்தது. இதுவரை 2600 கார்களுக்கு மேல் விற்பனை செய்துள்ளது. தற்பொழுது இரண்டு புதிய மாறுபட்டவைகளை அறிமுகம் செய்துள்ளனர்.இஎக்ஸ் வேரியண்ட்டில் 2596சிசி டர்போ டீசல் என்ஜின் பொருத்தபட்டுள்ளது. 5 வேக மேனுவல் கியர்பாக்ஸ் பயன்படுத்தியுள்ளனர். பவர் ஸ்டீயரீங் சென்ட்ரல் லாக்கிங், ஏசி, பனி விளக்குகள் கொண்டுள்ள இஎக்ஸ் மாறுபட்டவை டாக்ஸி சந்தையை குறிவைத்து களமிறக்கியுள்ளனர்.எஸ்எக்ஸ் மாறுபட்டவை மெர்சிடிஸ் பென்ஸ் நிறுவனத்தின் 2.2 லிட்டர் ஒஎம்611 காமன் ரெயில் என்ஜின் பொருத்தியுள்ளனர். இது பிஎஸ் 4 என்ஜின் ஆகும். இவற்றில் ஏபிஎஸ், இபிடி போன்ற வசதிகளை கொண்டுள்ளது.மேலும் மிக விரைவில் எல்எக்ஸ் என்ற மாறுபட்டவை 4×4 டிரைவ் போன்ற வசதிகளுடன் பல பாதுகாப்பு வசதிகளுடன் விரைவில் விற்பனைக்கு வரவுள்ளது.ஃபோர்ஸ் ஒன் எஸ்யூவி…

மெர்சிடிஸ் பென்ஸ் இ சீரிஸ் காரின் மிகுந்த சக்தி வாய்ந்த இ63 ஏஎம்ஜி செடான் கார் இந்தியாவில் விற்பனைக்கு வந்துள்ளது. இ63 ஏஎம்ஜி காரின் விலை ரூ.1.29 கோடியாகும்.இ63 ஏஎம்ஜி காரில் மிகுந்த சக்தி வாயந்த 5.5 லிட்டர் டிவின் டர்போ வி8 என்ஜின் பொருத்தப்பட்டுள்ளது. இதன் ஆற்றல் 557பிஎச்பி மற்றும் டார்க் 720என்எம் ஆகும். முந்தைய இ63 ஏஎம்ஜி காரை விட கூடுதலாக 37பிஎச்பி ஆற்றல் கிடைக்கும். 7 ஜி வேக ட்ரானிக் கியர்பாக்ஸ் பயன்படுத்தப்பட்டுள்ளது.இ63 ஏஎம்ஜி காரின் உச்சகட்ட வேகம் மணிக்கு 250கிமீ ஆகும்.முந்தைய இ63 காரைவிட ஸ்டைல் போன்றவற்றில் பல மாற்றங்களை பென்ஸ் கொடுத்துள்ளது. மிக ஸ்டைலான முகப்பு மேலும் மேம்படுத்தப்பட்ட சொகுசு வசதிகளுடன் வந்துள்ளது. சக்கரங்களில் ஏஎம்ஜி முத்திரை பொறிக்கப்பட்டுள்ளது.மெர்சிடிஸ் பென்ஸ் இ63 ஏஎம்ஜி காரின் விலை ரூ 1.29 கோடி(டெல்லி விலை)

2005 முதல் 2013 வரை தயாரிக்கப்பட்ட பிஎஸ் 3 மற்றும் பிஎஸ் 4 என இரண்டிலும் விற்பனை செய்யப்பட்ட 1.14 லட்சம் செவர்லே தவேரா கார்களை மாசுக் கட்டுப்பாடு பிரச்சனைகளின் காரணமாக ஜிஎம் திரும்ப பெறுகின்றது.பிஎஸ் 3யில் 2.5 லிட்டர் என்ஜினும் பிஎஸ் 4 யில் 2.0 லிட்டர் என்ஜினும் திரும்ப பெறப்படுகின்றது. மாசுக் கட்டப்பாடு விதிகளை சரிவர பூர்த்தி செய்ய தவறிவிட்டதால் இவற்றை மட்டும் திரும்ப பெறுகின்றது.கடந்த மாதம் முதல் தவேரா, செயில் யுவா, போன்ற கார்களின் உற்பத்தியை தற்காலிகமாக செவர்லே நிறுத்தி வைத்துள்ளது. இந்த வாரம் இவற்றின் உற்பத்தியை தொடங்க உள்ளதாம்.

மாருதி சுசூகி எஸ்எக்ஸ்4 மற்றும் டொயோட்டா கரோல்லா அல்டிஸ் கார்களுக்கு வரியை திரும்ப பெற்றுள்ளனர். பொது பட்ஜெட்டில் 1500சிசி மேலும் 4 மீட்டருக்கு அதிகமான நீளம் மற்றும் 170மிமீ கிரவுண்ட் கிளியரன்ஸ் உள்ள கார்களுக்கு 27 சதவீத வரியில் இருந்து 30 சதவீத வரியாக உயர்த்தப்பட்டது. இவை எஸ்யூவி கார்களுக்கான வரி உயர்வு என சொல்லப்பட்டாலும் சில செடான் வகை கார்களும் சிக்கின.தற்பொழுது சுசூகி எஸ்எக்ஸ்4 மற்றும் கரோல்லா அல்டிஸ் கார்களுக்கான வரியை திரும்ப பெற்றுள்ளனர்

இந்திய கார்களின் தனிப்பட்ட அடையாளமாக கருதப்படுகிற அம்பாசடர் புதிய பொலிவுடன் விரைவில் விற்பனைக்கு வருவதனை ஹிந்துஸ்தான் மோட்டார்ஸ் சிஇஒ உத்தம் போஸ் உறுதிசெய்துள்ளார்.சில பத்தாண்டுகளுக்கு முன் இந்திய சாலைகளின் ஆக்கரிமித்திருந்த அம்பாசடர் பல வெளிநாட்டு நிறுவனங்களின் வருகை மற்றும் அவற்றின் வடிவமைப்பு போன்ற காரணங்களால் அம்பாசடர் சந்தையை வெகுவாக இழந்தது. ஆனாலும் இன்று தனியான அடையாளத்துடனே விளங்குவதனை மறுப்பதற்க்கில்லை..அம்பாசடர் என்ற பெயரில் இனைப்பாக பெயரை இனைத்து புதிய அம்பாசிடர் நாட்ச்பேக் காரை விற்பனைக்கு கொண்டு வரவுள்ளது. புதிய அம்பி இன்றைய நவீன கார்களுக்கு இனையான கட்டமைப்பு மற்றும் வசதிகளுடன் விளங்கும். இதனால் இளைய வாடிக்கையாளர்களையும் வெகுவாக கவரமுடியும் என உத்தம் போஸ் நம்பிக்கை தெரிவித்துள்ளார்.மேலும் அம்பாசடர் கார்களுக்கு நைஜீரியா மற்றும் பங்களாதேஷ் போன்ற நாடுகளில் இருந்தும் ஆர்டர்களை பெற்றுள்ளதால் அடுத்த மாதம் முதல் ஏற்றுமதி செய்ய திட்டமிட்டுள்ளனர்.இந்தியாவின் அடையாளம் புதிய பொலிவுடன் வெளிவருவதனை காண காத்திருப்போம்…விரைவில்