ஹோண்டா இந்தியாவில் 999cc இன்-லைன் 4 சிலிண்டர் என்ஜினுடன் 214.5bhp பவர் கொண்டுள்ள மாடல் விற்பனைக்கு ரூ.28.99 லட்சம் எக்ஸ்-ஷோரூம் விலையில் வெளியிடப்பட்டுள்ளது.
ஹோண்டா ரேசிங் கார்ப்பரேஷன் மற்றும் மோட்டோஜிபி தொழில்நுட்பத்தை பயன்படுத்தி தயாரிக்கப்பட்டுள்ள புதிய CBR1000RR-R ஃபயர்பிளேடில் ஏரோடைமனிக் சார்ந்த செயல்பாடுக்கு ஏற்ற வகையிலான அதிவேகத்தில் பயணிக்கும் பொழுது செயல்படும் விங்க்லெட்ஸ் உள்ளது.
999cc இன்லைன் நான்கு சிலிண்டர் மோட்டார், 14,000rpm-ல் 214.5bhp மற்றும் 12,000rpm-ல் 113Nm டார்க் உருவாக்குகிறது. இதில் தொடர்ந்து ஆறு வேக கியர்பாக்ஸுடன் இணைக்கப்பட்டு, பை-டைரக்ஷனல் க்விக் ஷிஃப்டரும் உள்ளது.
பிரெம்போ ஸ்டைல்மா காலிப்பர்களுடன் இரட்டை 330மிமீ டிஸ்க் மற்றும் பின்புறத்தில் 220மிமீ டிஸ்க்குடன். ஃபயர்பிளேடு 120/200 பிரிவு (F/R) டயர்களில் இரண்டு பக்கமும் 17-இன்ச் வீல் உள்ளது.
ஐந்து விதமான ரைடிங் மோடுகளுடன் கட்டுப்பாடு, மூன்று-நிலை இயந்திர பிரேக் கட்டுப்பாடு, சக்கரக் கட்டுப்பாடு ABS மற்றும் ஐந்து அங்குல TFT திரையால் பல்வேறு வசதிகளை பெற முடிகின்றது.
