ராயல் என்ஃபீல்டு Guerrilla 450 பைக்கின் சிறப்புகள் மற்றும் ஆன்ரோடு விலை பட்டியல்

ராயல் என்ஃபீல்டின் நிறுவனத்தின் புதிய ரோட்ஸ்டெர் மோட்டார்சைக்கிள் மாடலாக வெளியிடப்பட்டுள்ள Guerrilla 450 பைக்கின் ஆரம்ப விலை ரூ.2.39 லட்சம் முதல் ரூ.2.54 லட்சம் (எக்ஸ்-ஷோரூம்) வரை அமைந்துள்ளது.

ஏற்கனவே சந்தையில் உள்ள ஹிமாலயன் 450 பைக்கின் அடிப்படையிலிருந்து பெறப்பட்ட என்ஜின் உட்பட சேஸ் என அடிப்படையான பல்வேறு அம்சங்களை பகிர்ந்து கொண்டு தனித்துவமான வடிவமைப்பினை Guerrilla கொண்டுள்ளது.

Royal Enfield Guerrilla 450

Sherpa 452cc என்ஜின் பொருத்தப்பட்ட Guerrilla மாடலில் சிங்கிள் சிலிண்டர் 4 வால்வுகளுடன் கூடிய DOHC லிக்யூடு கூல்டு என்ஜின் அதிகபட்சமாக 8,000rpm-ல் 40.02 ps பவர் மற்றும் 5,500rpm-ல் 40 Nm டார்க் வெளிப்படுத்துகின்றது. இந்த மாடலில் 6 வேக கியர்பாக்ஸ் உடன் சிலிப்பர் மற்றும் அசிஸ்ட் கிளட்ச் இடம்பெற்றுள்ளது.

முன்புறத்தில் 43mm டெலஸ்கோபிக் ஃபோர்க் மற்றும் பின்புறத்தில் லிக்ங்டூவகை மோனோஷாக் அப்சார் கொண்ட ஸ்விங்கார்ம் இடம்பெற்றுள்ளது. சியட் நிறுவனத்தின் பிரத்தியேகமாக முன்புறத்தில் 120/70-R17 மற்றும் பின்புறத்தில் மிகவும் அகலமான 160/60-R17 ட்யூப்லெஸ் டயர் கொடுக்கப்பட்டு, இருபக்க டயர்களிலும் டிஸ்க் பிரேக் உடன் டூயல் சேனல் பிரேக்கிங் சிஸ்டம் உள்ளது.

கொரில்லா 450 பைக்கில் ப்ரேவ் ப்ளூ, மஞ்சள் ரிப்பன், பிளேயா கருப்பு,கோல்டு டிப் மற்றும் சில்வர் என மொத்தமாக 5 நிறங்களில் கிடைக்கின்றது.

மேலும் படிக்க ;- Guerrilla 450 வேரியண்ட் விபரம்

ஹிமாலயன் 450 Vs கொரில்லா 450

இரண்டு பைக்குகளும் பொதுவாக ஒரே என்ஜினை பகிர்ந்து கொண்டாலும் கொரில்லா 450 மாடலுக்கான என்ஜின் ட்யூன் வேறு மாதிரியாக மாற்றப்பட்டு, பின்புற செயின் ஸ்ப்ராக்கெட்டில் ஹிமாலயனை (Himalayan Sprocket 15/47 மற்றும் Guerrilla Sprocket 15/45) விட 2 பற்கள் குறைவாக உள்ளது.

கொரில்லா 450 ஸ்டீல் ஃப்ரேம் சேஸ் பெற்று முன்புறத்தில் 43 மிமீ டெலிஸ்கோபிக் போர்க் (140 மிமீ டிராவல்) மற்றும் லிங்க்டூ மோனோஷாக் (150 மிமீ வீல் டிராவல்) ஆகியவற்றைப் பெறுகிறது. ஹிமாலயன் 450 பைக்கில் இரட்டை-ஸ்பார் சேஸ் பெற்று 43 மிமீ USD ஃபோர்க் (200 மிமீ டிராவல்) மற்றும் லிங்க்டூ மோனோஷாக் (200 மிமீ டிராவல்) ஆகியவற்றைக் கொண்டுள்ளது.

கெரில்லா 17-இன்ச் அலாய் வீல்களில் சவாரி செய்கிறது, 120-பிரிவு முன் மற்றும் 160-பிரிவு பின்புற என இரண்டும் டியூப்லெஸ் டயர்கள் பொருத்தப்பட்டுள்ளன. அட்வென்ச்சர் ரக மறுபுறம், 21-இன்ச் முன் மற்றும் 17-இன்ச் ரியர் ஸ்போக் வீல்களைப் பெறுகிறது, 90-பிரிவு முன் மற்றும் 140-பிரிவு பின்புற டியூப் டயர்களுடன் உள்ளது.

கொரில்லா 450-யின் பரிமாணங்கள் நீளம் 2,090mm அகலம் 833mm மற்றும் உயரம் 1,125mm . அடுத்து வீல்பேஸ் 1,440mm மற்றும் 11 லிட்டர் பெட்ரோல் டேங்க் உடன் கெர்ப் எடை வெறும் 174 கிலோ கிராம் கொண்டுள்ள பைக்கில் இருக்கை உயரம் 780mm ஆக உள்ளது.

ஹிமாலயன் 450 பைக்கின் பரிமாணங்கள் நீளம் 2,245mm அகலம் 852mm மற்றும் உயரம் 1,316mm . அடுத்து வீல்பேஸ் 1510mm மற்றும் 17 லிட்டர் பெட்ரோல் டேங்க் உடன் கெர்ப் எடை வெறும் 196 கிலோ கிராம் கொண்டுள்ள பைக்கில் இருக்கை உயரம் 825mm ஆகவும் அட்ஜெஸ்ட் செய்யும் பொழுது 845mm ஆக உயர்த்தலாம்.

Royal Enfield Guerrilla 450 on-road price list

ராயல் என்ஃபீல்டு கொரில்லா 450 பைக் தமிழ்நாட்டின் ஆன்ரோடு விலை ரூ.2.90 லட்சம் முதல் ரூ.3.07 லட்சம் வரை அமைந்துள்ளது.

கொடுக்கப்பட்டுள்ள தமிழ்நாடு ஆன்-ரோடு விலையில் எவ்விதமான கூடுதல் ஆக்செரீஸ் சேர்க்கப்படவில்லை. விலை டீலர்கள் மற்றும் ஆக்செரீஸ் சேர்க்கப்படும் பொழுது மாறுபடலாம்.