புதிய ஆடி ஏ3 கார் விற்பனைக்கு அறிமுகம்

இந்தியாவில் ரூபாய் 30.5 லட்சம் ஆரம்ப விலையில் மேம்படுத்தப்பட்ட புதிய 2017 ஆடி ஏ3 கார் விற்பனைக்கு வெளியிடப்பட்டுள்ளது. பெட்ரோல் மற்றும் டீசல் எஞ்சின் ஆப்ஷன்களில் ஏ3 கார் கிடைக்க உள்ளது.

புதிய ஆடி ஏ3 கார்

இருவிதமான வேரியன்டில் புதிய ஆடி ஏ3 செடான் மாடல் விற்பனைக்கு வந்துள்ளது.
இன்டிரியர் மற்றும் எக்ஸ்டிரியர் போன்றவற்றில் சில மாற்றங்களை பெற்றுள்ளது.
பெட்ரோரல் மற்றும் டீசல் என இரண்டிலும் கிடைக்கின்றது.

ஏ3 காரின் எஞ்சின் விபரம்…இதோ..

1.4 லிட்டர் பெட்ரோல் எஞ்சின், அதிகபட்சமாக 148 பிஹச்பி ஆற்றலுடன், 250 என்எம் டார்க்கையும் வழங்குகிறது. ஆற்றலை சக்கரங்களுக்கு எடுத்துச் செல்ல 7 வேக இரட்டை கிளட்ச் ஆட்டோமேடிக் கியர் பாக்ஸ் உள்ளது.

2.0 லிட்டர் டீசல் எஞ்சின், அதிகபட்சமாக 139 பிஹச்பி ஆற்றலுடன், 320 என்எம் டார்க்கையும் வழங்குகிறது. ஆற்றலை சக்கரங்களுக்கு எடுத்துச் செல்ல 7 வேக இரட்டை கிளட்ச் ஆட்டோமேடிக் கியர் பாக்ஸ் உள்ளது.

ஏ3 பெட்ரோல் மாடல் லிட்டருக்கு 19.20 கிமீ மற்றும் ஏ3 டீசல் மாடல் லிட்டருக்கு 20.38 கிமீ மைலேஜ் தரும் என ஆடி நிறுவனம் தெரிவிக்கின்றது.

முன்புறத்தில் புதுப்பிக்கப்பட்ட ஆடி நிறுவனத்தின் பெரிய அறுங்கோண வடிவிலான கிரிலுடன் , கல்நேரத்தில் ஒளிரும் வகையிலான எல்ஈடி விளக்குடன் கூடிய பை-ஸெனான் முகப்பு விளக்கினை பெற்றுள்ளது. மேலும் வாடிக்கையாளர்கள் விருப்பத்தின் பெயரில் முழு எல்இடி முகப்பு விளக்குகளையும் பெறலாம். 16 அங்குல அலாய் வீல்கள் பின்புறத்தில் புதுப்பிக்கப்பட்ட எல்இடி டெயில் விளக்குகளை பெற்றுள்ளது. 7 விதமான நிறங்களில் இந்த கார் கிடைக்கும்.

உட்புறத்தில் இரு நிற கலவை அல்லது கருப்பு வண்ண லெதர் ஆப்ஷனை பெறுவதுடன் , 7 காற்றுப்பைகள், சூரிய மேற்கூறை, வயர்லஸ் சார்ஜிங் வசதி, ரிவர்ஸ் பார்க்கிங் கேமரா, டேஷ்போர்ட் ஸ்கிரீன் 11 மிமீ தடிமன் கொண்டதாக மாற்றப்பட்டுள்ள நிலையில், 7 அங்குல எம்எம்ஐ கலர் இன்ஃபோடெயின்மெண்ட் சிஸ்டத்தை பெற்றிருந்தாலும் ஆப்பிள் கார் பிளே மற்றும் ஆண்டிராய்ட் ஆட்டோ வசதிகள் வழங்கப்படவில்லை.