2016 ரேஞ்ச் ரோவர் எவோக் எஸ்யூவி விற்பனைக்கு வந்தது

புதிய ரேஞ்ச் ரோவர் எவோக் சொகுசு எஸ்யூவி காரின் மேம்படுத்தப்பட்ட மாடல் ரூ.47.10 லட்சம் மும்பை எக்ஸ்ஷோரூம் தொடக்க விலையில் விற்பனைக்கு  லேண்ட்ரோவர் இந்தியாவில் அறிமுகம் செய்துள்ளது.
ரேஞ்ச் ரோவர் எவோக் எஸ்யூவி

2016 ரேஞ்ச்ரோவர் இவோக் எஸ்யூவி காரின் தோற்றம் , உட்புறம் மற்றும் பல கூடுதல் நவீன வசதிகளை பெற்றுள்ளது. ஆனால் என்ஜினில் எவ்விதமான மாற்றங்களும் இல்லை.

187பிஹெச்பி ஆற்றல் மற்றும் 420என்எம் டார்க் வெளிப்படுத்தும் சக்திவாய்ந்த 2.2 லிட்டர் டீசல் என்ஜின் பொருத்தப்பட்டுள்ளது. இதில் 9 வேக தானியங்கி கியர்பாக்ஸ் உள்ளது.

புதிய ரேஞ்ச்ரோவர் எவோக் சொகுசு எஸ்யூவி காரின் முன்பக்க பம்பர் புதுப்பிக்கப்பட்ட இரண்டு விதமான கிரில் டிசைனை (டாப் வேரியண்டில் மாறுபட்ட டிசைன் ) பெற்றுள்ளது. ஸெனான் எல்இடி முகப்பு விளக்குகளுடன் இணைந்த பகல்நேர எல்இடி ரன்னிங் விளக்குகள் மற்றும் டெயில்கேட்டிலும் எல்இடி விளக்குகள் உள்ளது. புதிய அலாய் வீல் வடிவத்துடன் பின்பக்க ரியர் ஸ்பாய்லர் புதுப்பிக்கப்பட்டுள்ளது.

உட்புறத்தில் புதிய இருக்கைகள் , கதவு பேட்கள் , அதிகப்படியான இன்டிரியர் வண்ணங்களை கொண்டுள்ளது. மேலும் டேஸ்போர்டில் புதிய 8 இஞ்ச் இன்கன்ட்ரோல் டச் இன்ஃபோடெயின்மென்ட் சிஸ்டத்தினை பெற்றுள்ளது.

பல நவீன வசதிகளை பெற்றுள்ள இவோக் காரில் குறிப்படதக்க சில வசதிகள் தானாகவே திறக்கும் டெயில் கேட் அதாவது நாம் காரின் பின்புறத்திற்க்கு சென்றாலே தானாக திறக்கும். ஆல்டெர்ரெயின் ரெஸ்பான்ஸ் சிஸ்டம் , சரவூன்ட் கேமரா அமைப்பு , 17 ஸ்பீக்கர்களை கொண்ட 825வாட்ஸ் மெரிடியன் சவூன்ட் சிஸ்டம் போன்றவை உள்ளது.

Pure, SE, HSE மற்றும் HSE Dynamic என 4 விதமான வேரியண்டில் எவோக் சொகுசு எஸ்யூவி கார் கிடைக்கின்றது.  3 வருட வாரண்ட்டி அல்லது 1 லட்சம் கிமீ வரை கிடைக்கும். எது முதலில் வருகின்றதோ அதுவரை வாரண்டி உள்ளது. மேலும்  3 வருட சர்வீஸ் திட்டமும் உள்ளது.

இந்தியாவிலே பாகங்களை தருவித்து ஒருங்கினைக்கப்பட உள்ள 2016 ரேஞ்ச் ரோவர் எவோக் எஸ்யூவி காருக்கு இதுவரை 125 முன்பதிவுகளை பெற்றுள்ளது.

2016 ரேஞ்ச் ரோவர் எவோக் விலை விபரம்

  • Range Rover Evoque Pure – ரூ. 47.1 லட்சம்
  • Range Rover Evoque SE – ரூ. 52.9 லட்சம்
  • Range Rover Evoque HSE – ரூ. 57.7 லட்சம்
  • Range Rover Evoque HSE Dynamic – ரூ. 63.2 லட்சம்
{ அனைத்தும் மும்பை எக்ஸ்ஷோரூம் ப்ரீ ஆக்ட்ராய் விலை }
Landrover has launched the facelifted Range Rover Evoque at Rs.47.10 lakhs starting price in India. Range Rover Evoque gets styling tweaks and refreshed  interiors but engine retained.
Exit mobile version