பிஎஸ்-6 மாசு உமிழ்வு விதிகளுக்கு உட்பட்ட மாருதி சுசுகி வேகன்ஆர் காரினை விற்பனைக்கு ரூ. 4.34 லட்சம் ஆரம்ப விலையில் அறிமுகம் செயப்பட்டுள்ளது. சில மாதங்களுக்கு முன்பாக பலேனோ கார் பிஎஸ் 6 விதிகளுக்கு ஏற்றதாக வெளிவந்த நிலையில் ஸ்விஃப்ட் மற்றும் வேகன் ஆர் கார்களும் வெளியாகியுள்ளது.
சிறிய ரக டீசல் கார் தயாரிப்பினை மாருதி சுசுகி கைவிட உள்ளதால் பெட்ரோல் வேரியண்டுகள் மட்டும் பிஎஸ் 6 நடைமுறைக்கு மேம்படுத்தப்பட்டுள்ளது. இந்தியாவில் ஏப்ரல் 2020 முதல் நடைமுறைக்கு வரவுள்ள பாரத் ஸ்டேஜ் 6 (Bharat Stage-VI) மாசு உமிழ்வு தரத்துக்கு இணையான என்ஜின் மட்டும் விற்பனை செய்ய அனுமதி அளிக்கப்பட உள்ளது.
மாருதி வேகன் ஆர் சிறப்புகள்
1.2 லிட்டர் பெட்ரோல் என்ஜின் 91 பிஎஸ் மற்றும் 118 என்எம் டிரான்ஸ்மிஷன் ஆப்ஷன்களை மேனுவல் மற்றும் ஏஎம்டி கியர்பாக்ஸ் வழங்குகின்றது. அடுத்தப்படியாக குறைந்த விலை 1.0 லிட்டர் பெட்ரோல் என்ஜினும் பிஎஸ் 6 முறைக்கு மாற்றப்பட்டுள்ளது.
1.0 லிட்டர் 67 bhp பவர் மற்றும் 90 NM டார்க் பெட்ரோல் என்ஜின் ஆப்ஷனுடன் விற்பனை செய்யப்படுகின்றது. இதில் 5 வேக மேனுவல் மற்றும் ஏஎம்டி கியர்பாக்ஸ் ஆப்ஷனலாக இடம்பெறுகின்றது.
வேகன்-ஆரில் உள்ள அனைத்து வேரியன்டிலும் டூயல் ஏர்பேக் சிஸ்டம், ஏபிஎஸ் உடன் கூடிய இபிடி மற்றும் ரியர்பார்க்கிங் சென்சார் போன்றவை இணைக்கப்பட்டுள்ளது. டாப் வேரியன்டில் ஹை ஸ்பீடு அலர்ட், இருக்கை பட்டை ப்ரீ ட்ன்ஸர் போன்றவை இணைக்கப்பட்டுள்ளது.
மாருதியின் வேகன் ஆர் 1.2 லிட்டர் மாடல் விலை ரூ. 5.10 லட்சம் முதல் ரூ. 5.91 லட்சம் வரையிலும், 1.0 லிட்டர் பெற்ற மாடல் விலை ரூ. 4.34 லட்சம் முதல் ரூ. 5.33 லட்சம் வரை விற்பனைக்கு (எக்ஸ்-ஷோரூம் டெல்லி) கிடைக்கும்.
