மஹிந்திரா நிறுவனத்தின் பிரசத்தி பெற்ற XUV500 வெற்றியை தொடர்ந்து வெளியிடப்பட்ட புதிய XUV700 வெற்றிகரமாக 2,00,000 யூனிட்டுகளை உற்பத்தி செய்து சாதனை படைத்துள்ளது. தொடர்ந்து மிக சிறப்பான வரவேற்பினை பெற்றுள்ள எக்ஸ்யூவி700 காரின் ஆரம்ப விலை ரூ. 13.99 லட்சம் முதல் ரூ.27.14 லட்சம் வரை விற்பனை செய்யப்படுகின்றது.
வெளியிடப்பட்ட 33 மாதங்களில் 2 லட்சம் விற்பனை இலக்கை கடந்துள்ள இந்த காரின் முதல் 1,00,000 இலக்கு 21 மாதங்களிலும், அடுத்த 1,00,000 இலக்கை 1 வருடத்தில் கடந்துள்ளது. குறிப்பாக சமீபத்தில் இந்த காரின் உற்பத்தி திறனை மஹிந்திரா அதிகரித்துள்ளதால் காத்திருப்பு காலம் குறைந்துள்ளது. மேலும் கையிருப்பில் உள்ள ஆர்டரின் எண்ணிக்கை மே 2024 முடிவில் 16,000 ஆக இருந்தது.
97hp பவர் மற்றும் 380 Nm டார்க் வெளிப்படுதும் 2.0 லிட்டர் டர்போ பெட்ரோல் என்ஜின் ஆனது 6 வேக மேனுவல் மற்றும் 6 வேக ஆட்டோமேட்டிக் கியர்பாக்ஸ் பெற்றுள்ளது. மேனுவல் மாடல் 153 hp பவர், 420 Nm டார்க் உடன் அடுத்து 6 வேக ஆட்டோமேட்டிக் 182 hp பவர், 450 Nm டார்க் ஆனது 2.2 லிட்டர் டீசல் என்ஜின் என இருவிதமான பவர் ஆப்ஷனை கொண்டுள்ளது.
இந்த எஸ்யூவி பிரிவில் முதன்முறையாக Level 2 ADAS பெற்ற எக்ஸ்யூவி700 மாடலில் அடிப்படையான பாதுகாப்பு அம்சங்களில் மேம்பட்டதாகவும் 2022 ஆம் ஆண்டு GNCAP சோதனையில் 5 ஸ்டார் ரேட்டிங் பெற்றுள்ளது. குறைந்த விலை வேரியண்டுகள் சிறப்பு எடிசன்கள் உள்ளிட்ட பல்வேறு மாற்றங்கள் சமீபத்தில் மேற்கொள்ளப்பட்டுள்ளது.
