நூற்றாண்டு மைல்கல்லை கொண்டாடும் நோக்கில் எம்ஜி மோட்டார் தனது காமெப் இவி, ZS EV, ஆஸ்டர் மற்றும் பிரபலமான ஹெக்டர் எஸ்யூவி மாடலிலும் சிறப்பு 100-Year Edition என்ற பெயரில் பிரிட்டிஷ் ரேசிங் பச்சை நிறத்தில் வெளியிட்டுள்ளது.
எவ்விதமான மெக்கானிக்கல் மாற்றங்களும் இல்லாமல் வந்துள்ள 100-ஆண்டு பதிப்பின் வெளிப்புறத்தில் 100-Year Edition பேட்ஜ், கருப்பு நிற மேற்கூறையுடன், இன்டிரியரில் நூற்றாண்டு பேட்ஜ் மற்றும் கருப்பு நிறத்துக்கு முக்கியத்துவம் வழங்கப்பட்டுள்ளது.
- MG 100-Year Edition Comet ரூ.. 9.40 லட்சம்
- 100-Year Edition Astor ரூ. 14.81 லட்சம்
- 100-Year Edition ZS EV ரூ. 24.18 லட்சம்
- 100-Year Edition Hector ரூ. 21.20 லட்சம்
(அனைத்தும் ஆரம்ப நிலை எக்ஸ்ஷோரூம் விலை)
எம்ஜி மோட்டார் இந்தியா நிறுவனத்தின் தலைமை வர்த்தக அதிகாரி சதீந்தர் சிங் பஜ்வா கூறுகையில் ‘எங்கள் 100 வருட லிமிடெட் எடிஷனை வெளியிட்டிருப்பதுடன், எங்களின் நீடித்த பாரம்பரியம் மற்றும் வாகனச் சிறப்பிற்கான ஆர்வத்திற்கு ஒரு சான்றாகும்.
‘எவர்கிரீன்’ நிறம் நம் இதயங்களில் ஒரு சிறப்பு இடத்தைப் பிடித்துள்ளது, இந்த பிராண்டை வரையறுக்கும் செயல்திறன் மற்றும் பாரம்பரியத்தின் உணர்வை உள்ளடக்கியது. MG ஆனது, அதன் வளமான பாரம்பரியத்திற்காகப் புகழ்பெற்ற ஒரு பிராண்டாக தன்னை நிலைநிறுத்துவதை நோக்கமாகக் கொண்டுள்ளது என குறிப்பிட்டுள்ளார்.
