டாடா மோட்டார்ஸ் நிறுவனத்தின் 5 நட்சத்திர மதிப்பீட்டை பெற்ற அடுத்த மாடலான அல்ட்ராஸ் காரின் ஐசி என்ஜின் விற்பனைக்கு வெளியாக உள்ள நிலையில், அடுத்து எலக்ட்ரிக் வெர்ஷன் மாடலாக இந்த கார் 2021 ஆம் ஆண்டின் துவக்க மாதங்களில் விற்பனைக்கு வெளியாக உள்ளது.
டாடாவின் ஜிப்ட்ரான் நுட்பத்தை பெற்ற முதல் எலக்ட்ரிக் மாடலான நெக்ஸான் இ.வி ஜனவரி 28, 2020-ல் இந்தியாவில் வெளியிடப்பட உள்ள நிலையில் அதனை தொடர்ந்த அடுத்த 12 மாதங்களுக்குள் அல்ட்ராஸ் இ.வி காரும் வெளியாக உள்ளது. ஜிப்ட்ரான் விபரத்தின் படி குறைந்தபட்ச ரேஞ்ச் 250 கிமீ – 300 கிமீ என தொடங்குவதுடன் மிக வேகமாக சார்ஜிங் செய்வதற்கான விரைவு சார்ஜிங் வசதி ஆப்ஷன் உட்பட லித்தியம் ஐயன் செல் கொண்ட பேட்டரியை பாதுகாக்க லிக்யூடு கூல்டு வசதியுடன், ஐடியல் வெப்பத்தை பராமரிக்கும் நோக்கில் வழங்கப்படும். உயர் ரக ஸ்டீல் பேக்கில் பொருத்தப்பட்டிருக்கும் இந்த பேட்டரிக்கு IP67 சான்றிதழ் பெற்றிருக்கும். எனவே, தூசு மற்றும் நீரினால் எந்த பாதிப்பும் ஏற்படாது. டாடாவின் எலக்ட்ரிக் வாகனங்களின் பேட்டரி மற்றும் மோட்டாருக்கு 8 ஆண்டு வாரண்டி அல்லது 1.60 லட்சம் கிமீ வழங்கப்பட உள்ளது.
டாடாவின் மின்சார கார்கள் அனைத்தும் கனெக்டிவ் டெக்னாலாஜியை அடிப்படையாகவே பெற்றிருக்கும் என்பதனால், பல்வேறு நவீன டெக் வசதிகள், வாகனத்தின் நிலை, இருப்பிடம் உள்ளிட்டவற்றை இலகுவாக அறிய இயலும் வகையில் வசதிகள் கொண்டிருக்கும்.
டாடா அல்ட்ராஸ் மின்சார கார் விற்பனைக்கு வரும்போது காரின் விலை ரூ. 11 லட்சத்தில் தொடங்குவதற்கான வாய்ப்புகள் உள்ளது. ஜனவரி 22 ஆம் பெட்ரோல் மற்றும் டீசல் என்ஜின் பெற்ற டாடா அல்ட்ராஸ் விற்பனைக்கு வெளியிடப்பட உள்ள நிலையில், சமீபத்தில் குளோபல் என்சிஏபி கிராஷ் டெஸ்ட் சோதனையில் 5 நட்சத்திர மதிப்பீட்டை பெற்ற பாதுகாப்பான இந்திய கார் என்ற பெருமையை பெற்றுள்ளது.
