78வது சுதந்திர தினத்தில் மஹிந்திரா & மஹிந்திரா நிறுவனம் 2026 ஆம் ஆண்டு வெளியிட உள்ள இரண்டு எலக்ட்ரிக் மற்றும் மூன்று ICE என மொத்தமாக 5 மாடல்கள் விபரம், புதிய பிளாட்ஃபாரம் கொண்டு வரவுள்ள நிலையில் #FREEDOM_NU என்ற பெயரில் டீசரை வெளியிட்டுள்ளது.
ஏற்கனவே பொலிரோ நியோ மற்றும் எக்ஸ்யூவி 700 ஆகிய மாடல்களை சாலை சோதனை ஓட்டத்தில் ஈடுபடுத்தி வரும் நிலையில், புதிதாக இரண்டு எலக்ட்ரிக் எஸ்யூவி மாடல்களையும், புதிதாக New Flexible Architecture (NFA) என்ற பிளாட்ஃபாரத்தின் அடிப்படையிலான கான்செப்ட் கார்களை காட்சிப்படுத்தலாம்.
ஏற்கனவே சந்தையில் இரண்டு எலக்ட்ரிக் மாடல்களான BE6, XEV 9e போன்றவை அறிமுகம் செய்யப்பட்டுள்ள நிலையில், கூடுதலாக BE Rall-e, மற்றும் BE.07 என இரண்டும் 2026 ஆம் ஆண்டில் எதிர்பார்க்கப்படுகின்றது.
இதுதவிர, பொலிரோ, பொலிரோ நியோ உள்ளிட்ட மாடல்களின் மேம்படுத்தப்பட்ட புதிய தலைமுறை எஸ்யூவிகளும் 2026ல் சந்தைக்கு வரக்கூடும் என எதிர்பார்க்கப்படுகின்றது. மற்றபடி, ஹைபிரிட் சார்ந்த முக்கிய அறிவிப்பினை ஆகஸ்ட் 15, 2025ல் மும்பையில் நடைபெற உள்ள நிகழ்ச்சியில் வெளியாகலாம்.
