இந்தியாவின் முதன்மையான இரு சக்கர வாகன தயாரிப்பாளரான ஹீரோ மோட்டோகார்ப் நிறுவனம், ஜூன் 2023-ல் 4,36,993 எண்ணிக்கையை பதிவு செய்துள்ளது. முந்தைய ஆண்டு இதே மாதத்துடன் ஒப்பீடுகையில் 9.8 % வீழ்ச்சி அடைந்துள்ளது.
ஜூன் 2022-ல் 4,84,867 ஆக பதிவு செய்திருந்தது. அதே நேரத்தில் முந்தைய மே 2023 உடன் ஒப்பிடும்போது 15.8 சதவீதம் வீழ்ச்சி அடைந்துள்ளது. இரு சக்கர வாகன உற்பத்தியாளர் மே மாதத்தில் 5,19,474 எண்ணிக்கை மொத்த விற்பனையைப் பதிவு செய்திருந்தது.
Hero Motocorp Sales Report – June 2023
மோட்டார்சைக்கிள் பிரிவில், ஹீரோ பைக் பிரிவில் 4,04,474 யூனிட்களின் மொத்த விற்பனையைப் பதிவு செய்துள்ளது – ஆண்டுக்கு ஆண்டு 4,61,421 யூனிட்களில் இருந்து குறைந்துள்ளது. எவ்வாறாயினும், ஜூன் 2022 உடன் ஒப்பிடும்போது ஸ்கூட்டர் விற்பனை 32,519 யூனிட்களாக, 23,446 யூனிட்களில் இருந்து அதிகரித்துள்ளது.
HF டீலக்ஸ் மற்றும் Passion+ மற்றும் எக்ஸ்ட்ரீம் 160R 4V போன்ற பல மாடல்களை மேம்படுத்தியதால், ஜூன் 2023 இல் நிறுவனம் மிகவும் பிஸியாக இருந்தது. ஹீரோ நிறுவனம் ஹார்லி-டேவிட்சனுடன் இணைந்து உருவாக்கிய புதிய X440 பைக்கை ஜூலை 3 ஆம் தேதி அறிமுகப்படுத்தப்படும்.
