 |
| டிரைவரில்லா பேருந்து – யூடாங் பஸ் |
ஒட்டுநர் இல்லாத கார்கள் தொடர்ந்து பஸ் மற்றும் டிரக்குகளை முன்னனி ஆட்டோமொபைல் நிறுவனங்கள் சோதனை ஓட்டத்தில் ஈடுபடுத்தி வருகின்றன. சீனாவின் யூடாங் பஸ் நிறுவனம் கடந்த 2014ம் ஆண்டில் 60,000 பேருந்துகளை 120க்கு மேற்பட்ட நாடுகளில் விற்பனை செய்து விற்பனையில் முன்னனி நிறுவனமாக உள்ளது.
10.5 மீட்டர் நீளமுள்ள யூடாங் ஹைபிரிட் பேருந்து மூலம் செங்ஷோ நகரத்திலிருந்து கைஃபெங் நகருக்கு இடையிலான பொது போக்குவரத்து சாலையில் 32.6 கிமீ தூரத்தினை சாரதியில்லாமல் வெற்றிகரமாக கடந்துள்ளது.
32.6 கிமீ தூரத்தில் மொத்தம் 26 போக்குவரத்து சிக்கனல்கள் உள்ளதாம் இவற்றில் மிக சிறப்பாக செயல்பட்டுள்ளது. மேலும் வாகனங்களை முந்துவது , மற்ற வாகனங்களுக்கும் பேருந்துக்கும் இடையில் சரியான தூரத்தில் போக்குவரத்து சிக்கனலில் நிற்பது போன்றவற்றில் சிறப்பாக செயல்பட்டுள்ளதாம்.
சோதனை ஓட்டத்தின்பொழுது யூடாங் ஓட்டுநர் இல்லா பேருந்தின் அதிகபட்சமாக மணிக்கு 68 கிமீ வேகத்தினை பயணித்துள்ளது.
டிரைவரில்லா பேருந்தில் இரண்டு கேமரா, 4 லேசர் ரேடார்கள் , ஒரு செட் மில்லிமீட்டர் வேவ் ரேடார் மற்றும் நேவிகேஷன் சிஸ்டம் போன்றவற்றின் உதவியுடன் கணிப்பொறி காட்டுப்பாட்டில் சிறப்பாக செயல்பட்டுள்ளதாக யூடாங் ஆராய்ச்சி மற்றும் மேம்பாட்டு குழு தெரிவித்துள்ளது.
விபத்துகளே இல்லாமல் இயங்கும் வகையில் உருவாக்கப்பட்டுள்ள இந்த பேருந்துகளால் எவ்விதமான விபத்துகளும் ஏற்படாதாம். மேலும் கணிப்பொறி உதவியுடன் செயல்படுதவதனால் சிறப்பான எரிபொருள் சிக்கனத்தினை வழங்கும்.
2012ம் ஆண்டு முதல் ஓட்டுநர் இல்லா பேருந்து திட்டத்தினை செயல்படுத்தி வரும் யூடாங் நிறுவனம் தற்பொழுது தனது கடுமையான முயற்சியால் முதற்கட்ட சோதனை ஓட்டத்தினை வெற்றிகரமாக நடத்தியுள்ளது.
உலகின் முதல் ஓட்டுநர் இல்லா பஸ் வீடியோ
world’s first driverless bus successful testing begins in China
