புதிதாக வந்துள்ள யமஹா R15 V4 பைக் டார்க் நைட் நிறத்தில் வேறு எந்த வடிவம், என்ஜின் தொடர்பான மாற்றங்களும் இல்லாமல் வந்துள்ளது. முன்பாக விற்பனையில் உள்ள மெட்டாலிக் ரெட், ரேசிங் ப்ளூ மற்றும் இன்டென்ஸ்ட்டி வெள்ளை என மூன்று நிறங்கள் கிடைக்கின்றது.
OBD2 மற்றும் E20 ஆதரவுக்கு ஏற்ற 155cc சிங்கிள்-சிலிண்டர் லிக்யூடு-கூல்டு VVA என்ஜின் அதிகபட்சமாக 18.1bhp பவரை 10,000 rpm-லும் மற்றும் 7500 rpm-ல் 14.2Nm டார்க் வெளிப்படுத்துகின்றது. இதில் 6 வேக கியர்பாக்ஸுடன் இணைக்கப்பட்டுள்ளது.
2023 Yamaha R15 V4
டெல்டாபாக்ஸ் ஃபிரேம் கொண்டுள்ள யமஹா ஆர்15 பைக்கில் முன்புறத்தில் USD ஃபோர்க் மற்றும் மோனோஷாக் சஸ்பென்ஷனை கொண்டுள்ளது. முன்புறத்தில் R15 பைக்கில் 282mm டிஸ்க் மற்றும் 220mm டிஸ்க் பெற்று இரட்டை சேனல் ABS அமைப்புடன் இணைக்கப்பட்டுள்ளது.
யமஹா Y-Connect ஆப் வசதி கொண்ட டிஜிட்டல் கிளஸ்ட்டரில் ப்ளூடூத் கனெக்ட்டிவிட்டி, அழைப்புகள், எஸ்எம்எஸ் அலர்ட், எரிபொருள் டிராக்கர், சர்வீஸ் தொடர்பான அம்சங்கள் என பலவற்றை வழங்குகின்றது.
சிறந்த ஏரோடைனமிக் டிசைன் கொண்ட யமஹா R15 பைக்கில் எல்இடி விளக்குகள் கொடுக்கப்பட்டு, 140/70R17M/C 66H பின்புறத்தில் ரேடியல் டயர் மற்றும் முன்புறத்தில் 100/80-17M/C 52P டயர் வழங்கப்பட்டுள்ளது.
2023 யமஹா R15 V4 பைக்கின் டார்க் நைட் எடிசன் எக்ஸ்ஷோரூம் விலை ₹ 1,83,439
மற்ற நிறங்களான மெட்டாலிக் ரெட் ₹ 1,81,439 மற்றும் ரேசிங் ப்ளூ, இன்டென்சிட்டி வெள்ளை விலை ₹ 1,87,439 ஆகும்.
2023 யமஹா R15 V4 தமிழ்நாடு ஆன்-ரோடு விலை பட்டியல்
Yamaha R15 V4 metalic Red – 2,12,450
Yamaha R15 V4 DARK KNIGHT – ₹ 2,13,980
Yamaha R15 V4 RACING BLUE & INTENSITY WHITE – ₹ 2,18,698
(Yamaha R15 V4 on road price in Chennai)
யமஹா R15 V4 பைக்கிற்கு இந்தியாவில் போட்டியாக KTM RC 125 மற்றும் RC200, சுசூகி ஜிக்ஸர் SF 250 மற்றும் பஜாஜ் பல்சர் RS200, வரவிருக்கும் ஹீரோ கரிஸ்மா XMR 210 போன்றவை உள்ளது.
