புதிய டிசையர் கார் காத்திருப்பு காலம் மூன்று மாதங்கள்..!

0

கடந்ந மே 16ந் தேதி அன்று வெளியான மாருதி டிசையர் கார் அமோகமான ஆதரவினை பெற்று சில டாப் வேரியண்ட் மாடல்களுக்கு அதிகபட்சமாக 3 மாதங்களுக்கு மேல் காத்திருப்பு காலம் உள்ளதாக தகவல் வெளியாகியுள்ளது.

dzire red 1

புதிய டிசையர் கார்

இந்தியாவில் விற்பனை செய்யப்படுகின்ற கார்களில் மிக முக்கியமான மாடலாக பல இந்திய குடும்பங்களின் முதல் தேர்வாக அமைகின்ற மாருதி நிறுவனத்தின் ஸ்விஃப்ட் அடிப்படையிலான டிசையர் செடான் காரின் மூன்றாவது தலைமுறை மாடல் கடந்த மாதம் அறிமுகம் செய்த சில நாட்களிலே 44,000 மேற்பட்ட முன்பதிவுகளை பெற்றிருந்தது.

டாப் வேரியன்ட் மாடல்களான VXi, VDi,  ZXi, ZDi, ZXi+ மற்றும் ZDi+ போன்றவற்றுக்கு காத்திருப்பு காலம் அதிகபட்சமாக 12 வாரங்களுக்கு மேல் காத்திருப்பு காலம் உள்ளதாக தகவல்கள் தெரிவிக்கின்றது. குறிப்பாக மேல் உள்ள வேரியன்ட் வகைகளில் மாருதியின் ஏஜிஎஸ் எனப்படுகின்ற ஆட்டோமேட்டிக் கியர் ஷிஃப்ட் வசதி பெற்ற மாடலுக்கு கூடுதலான முன்பதிவு பெற்றுள்ளதாக தெரியவந்துள்ளது.

2017 Maruti Suzuki Dzire dashboard 1

புதிய HEARTECT எனும் பிளாட்பாரத்தில் வடிவமைக்கப்பட்ட டிசையர் காரில் 1.2 லிட்டர் கே வரிசை பெட்ரோல் எஞ்சின் மாடலின் பவர் 82 ஹெச்பி வெளிப்படுத்துவதுடன் 113 என்எம் டார்க் வெளிப்படுத்தும் என எதிர்பார்க்கப்படுகின்றது. இதில் 5 வேக மேனுவல் மற்றும் மாருதியின் ஏஜிஎஸ் என அழைக்கப்படுகின்ற ஆட்டோமேட்டிக் மெனுவல் கியர்பாக்ஸ் இடம்பெற்றிருக்கும்.

டிசையர் பெட்ரோல் கார் மைலேஜ் ஒரு லிட்டருக்கு 22 கிலோமீட்டர் வழங்குவல்லதாகும்.

ஃபியட் நிறுவனத்தின் 1.3 லிட்டர் டீசல் எஞ்சின் ஆப்ஷனில் 75 ஹெச்பி பவருடன் , 190 என்எம் டார்க் வெளிப்படுத்தும் என எதிர்பார்க்கப்படுகின்றது.  இதில் 5 வேக மேனுவல் மற்றும் மாருதியின் ஏஜிஎஸ் என அழைக்கப்படுகின்ற ஆட்டோமேட்டிக் மெனுவல் கியர்பாக்ஸ் இடம்பெற்றிருக்கும்.

டிசையர் டீசல் கார் மைலேஜ் ஒரு லிட்டருக்கு 28.40 கிலோமீட்டர் வழங்கவல்லதாகும்.

2017 Maruti Suzuki Dzire rear qr view

முழுமையான பட தொகுப்பை காண மோட்டார் டாக்கீஸ் – டிசையர்

For the latest car news, Bike news, breaking Auto news headlines and live updates in Tamil checkout automobiletamilan.com