முதல் மாதத்தில் 6,200 செல்டாஸ் எஸ்யூவிகளை டெலிவரி செய்த கியா மோட்டார்ஸ்

kia seltos suv india

ரூபாய் 9.69 லட்சம் முதல் ரூ.15.99 லட்சத்தில் வெளியிடப்பட்ட கியா செல்டோஸ் எஸ்யூவி காரின் முதல் மாத டெலிவரி எண்ணிக்கை 6,200 யூனிட்டுகளாக பதிவு செய்துள்ளது. கியாவின் முதல் மாடலாக இந்தியாவில் இந்த கார் விற்பனைக்கு வெளியிடப்பட்டது.

கடந்த ஜூலை 16ந் தேதி முதல் இந்த எஸ்யூவி காருக்கு முன்பதிவு நடைபெற்று வரும் நிலையில், தற்போது வரை 35,000 க்கு அதிகமான முன்பதிவுகளை பெற்றுள்ள இந்த எஸ்யூவி காருக்கான வரவேற்பு தொடக்க நிலையில் அமோகமாக உள்ளது. இத காரில் மூன்று என்ஜின் பொருத்தப்பட்டுள்ளது.

1.5 லிட்டர் பெட்ரோல் என்ஜின், அதிகபட்சமாக 113 பிஹெச்பி மற்றும் 144 என்எம்  டார்க்கை உருவாக்குகிறது. இந்த என்ஜின் 6 வேக மேனுவல் கியர்பாக்ஸ் மற்றும் ஐவிடி (IVT – Intelligent continuously variable transmission) ஆட்டோ டிரான்ஸ்மிஷனுடன் இணைக்கப்பட்டுள்ளது, இந்த மாடல் மைலேஜ் 16.4 கிமீ (MT) மற்றும் 16.3 கிமீ (AT). மேலும், இந்த என்ஜின் 0-100 கிமீ வேகத்தினை எட்டுவதற்கு 11.8 வினாடிகளில் எடுத்துக் கொள்ளும்.

இறுதியாக, புதிய 1.5-லிட்டர் VGT டீசல் என்ஜினைப் பொறுத்தவரை, 113 பிஹெச்பி மற்றும் 250 என்எம் டார்க்கை உருவாக்க வகையில் வடிவமைக்கப்பட்டுள்ளது. மேலும், 6 ஸ்பீட் மேனுவல் கியர்பாக்ஸ் மற்றும் 6-ஸ்பீட் டார்க் கன்வெர்ட்டர் ஆட்டோமேட்டிக் கியர் பொருத்தப்பட்டுள்ளது. டீசல் மாடல் வெறும் 11.5 வினாடிகளில் 0-100 கிமீ வேகத்தை பெற முடியும். செல்டோஸ் டீசல் கார் மைலேஜ் 17.8 கிமீ (AT) மற்றும் 20.8 கிமீ (MT) ஆகும்.

1.4 லிட்டர் GDI டர்போ பெட்ரோல் என்ஜின் அதிகபட்சமாக குதிரைத்திறன் 138 bhp மற்றும் 242 Nm டார்க் வெளிப்படுத்தும். இந்த மாடலில் 6 வேக மேனுவல் மற்றும் 7 வேக டியூவல் கிளட்ச் ஆட்டோ கியர்பாக்ஸ் இடம்பெற்றிருக்கும்.

இந்த என்ஜின் 9.7 வினாடிகளில் 0-100 கிமீ வேகத்தை எட்டும், மேலும், 16.1 கிமீ (MT) மற்றும் 16.2 கிமீ (DCT) மைலேஜ் வழங்கப்படும். குறிப்பாக இந்த என்ஜின் ஜிடி லைன் தொடரில் மட்டும் கிடைக்க உள்ளது.

மேலும் படிங்க — கியா செல்டோஸ் எஸ்யூவி விபரம்

Kia Seltos Price

– 1.5 Petrol

HTE – Rs. 9.69 lakhs
HTK – Rs. 9.99 lakhs
HTK+ – Rs. 11.19 lakhs
HTX – Rs. 12.79 lakhs
HTX CVT – Rs. 13.79 lakhs

– 1.5 Diesel

HTE – Rs. 9.99 lakhs
HTK – Rs. 11.19 lakhs
HTK+ – Rs. 12.19 lakhs
HTK+ AT – Rs 13.19 lakhs
HTX – Rs. 13.79 lakhs
HTX+ – Rs. 14.99 lakhs
HTX+ AT – Rs. 15.99 lakhs

– 1.4 Turbo Petrol

GTK – Rs. 13.49 lakhs
GTX – Rs. 14.99 lakhs
GTX DCT – Rs. 15.99 lakhs
GTX+ – Rs. 15.99 lakhs

(all prices, ex-showroom)