விரைவில்.., புதிய ஹூண்டாய் ஐ20 விற்பனைக்கு அறிமுக விபரம்

2020 hyundai i20

சர்வதேச அளவில் கிடைக்கின்ற புதிய ஹூண்டாய் ஐ20 இந்தியாவில் அடுத்த சில வாரங்களுக்குள் விற்பனைக்கு வெளியிடப்பட உள்ளது. முன்பாக விற்பனை செய்யப்பட்டுள்ள மாடலை விட கூடுதலான வசதிகள் கொண்டதாக வரவுள்ளது.

புதிய ஐ20 காரில் Magna, Sportz, Asta, மற்றும் Asta (O) என நான்கு விதமான வேரியண்டில் மூன்று விதமான இன்ஜின் ஆப்ஷனுடன் 5 விதமான கியர்பாக்ஸ் வழங்கப்பட்டு மொத்தம் 13 வேரியண்டுகளில் கிடைக்கப் பெறலாம்.

ஹூண்டாய் ஐ20 காரில் இடம்பெற உள்ள அதே என்ஜினை கொண்டுள்ள வெனியூ காரிலும் உள்ளது. 5 வேக மேனுவல் மற்றும் சிவிடி கியர்பாக்ஸ் 1.2 லிட்டர் நான்கு சிலிண்டர் என்ஜின் பொருத்தப்பட்டு 83 ஹெச்பி குதிரைத்திறன் மற்றும் 115 என்எம் முறுக்குவிசை வெளிப்படுத்தும்.

அடுத்து 1.5-லிட்டர் VGT டீசல் என்ஜினைப் பொறுத்தவரை, 100 பிஹெச்பி மற்றும் 240 என்எம் டார்க்கை உருவாக்க வகையில் வடிவமைக்கப்பட்டுள்ளது. மேலும், இதில் 6 ஸ்பீட் மேனுவல் கியர்பாக்ஸ் கொண்டிருக்கும்.

1.0 லிட்டர் டர்போ பெட்ரோல் இன்ஜின் இணைக்கப்பட உள்ளது. 120 HP குதிரைத்திறன் மற்றும் 172 Nm முறுக்குவிசை வெளிப்படுத்தும் 1.0 லிட்டர் மூன்று சிலிண்டர் டர்போசார்ஜ்டு பெட்ரோல் என்ஜின் பொருத்தப்பட்டிருக்கலாம். இந்த என்ஜினில் 7 வேக டியூவல் கிளட்ச் ஆட்டோ மற்றும் 6 வேக கியர்பாக்ஸ் பொருத்தப்பட்டிருக்கும்.

தோற்ற அமைப்பில் முந்தைய மாடலை விட முற்றிலும் மாறுபட்ட முகப்பு கிரில் அமைப்பு, பம்பர் போன்றவற்றை கொண்டிருப்பதுடன் 16 அங்குல அலாய் வீல், 10.25 அங்குல இன்ஃபோடெயின்மென்ட் சிஸ்டம், ஸ்டீயரிங் மவுன்டேட் ஆடியோ கன்ட்ரோல்ஸ், டூயல் ஏர்பேக், ரியர் ஏசி வென்ட்ஸ், எல்இடி ஹெட்லைட் மற்றும் எல்இடி டெயில் லைட் கொண்டிருப்பதுடன் பின்புறத்தில் வழங்கப்பட்டுள்ள பம்பரிலும் மாற்றங்கள் செய்யப்பட்டுள்ளது.

வரும் அக்டோபர் இறுதி அல்லது நவம்பர் முதல் வாரத்தில் வெளியிடப்பட உள்ள புதிய ஹூண்டாய் ஐ20 காரின் போட்டியாளர்களாக சுசூகி பலேனோ, டாடா அல்ட்ராஸ், டொயோட்டா கிளான்ஸா, மற்றும் ஹோண்டா ஜாஸ் போன்றவை விளங்க உள்ளது.

Web title : new Hyundai i20 launch very soon