இன்னோவா கார் விலை உயர்வு
டொயோட்டா இன்னோவா காரினை போல மிக சிறப்பான சொகுசு வசதி கொண்ட எம்பிவி காரை இந்திய சந்தையில் கண்டுபிடிப்பதே அரிதாக உள்ள நிலையில் இன்னோவா காரின் விலை மேலும் மேலும் உயர்ந்து வருகின்றது.
பாதுகாப்பினை உறுதி செய்யும் வகையில் அனைத்து இன்னோவா மாடல்களிலும் காற்றுப்பைகளை நிரந்தரமாக்கியுள்ளனர். மேலும் புதிய கருப்பு கிரே என இரு வண்ண ஆலாய்வீல், மரவேலைப்பாடு மிக்க ஸ்டீயரியங், புதிய லெதர் இருக்கைகள் சேர்க்கப்பட்டுள்ளன.
மேலும் வரி சலுகையை அரசு ரத்து செய்துள்ளதாலும் கூடுதலான விலை உயர்வினை பெற்றுள்ளது.
இன்னோவா வரையறுக்கபட்ட பதிப்பு
10 வது வருடத்தினை கொண்டாடும் வகையில் சிறப்பு எடிசனை அறிமுகம் செய்துள்ளது. சிறப்பு எடிசனில் உள்ள அம்சங்கள் தொடுதிரை ஆடியோ அமைப்பு, முகப்பு விளக்கு குரோம் பூச்சு, பின்புற விளக்குகளில் குரோம் பூச்சு, லிமிடெட் எடிசன் லேபிள் போன்றவை சேர்க்கப்பட்டுள்ளன. 7 மற்றும் 8 இருக்கைகள் கொண்ட ஜிஎக்ஸ் மாடலில் மட்டுமே கிடைக்கும்.
