2015 ஆம் ஆண்டில் சந்தைக்கு வந்த புதிய கார்களில் சூப்பர் ஹிட் கொடுத்த டாப் 5 கார்கள் எவை ? சூப்பர் ஹிட் கார்கள் 2015 பட்டியல் டிசைன் , விற்பனை மற்றும் ஆட்டோமொபைல் தமிழன் வாசகர்களின் அதிகம் படித்த செய்திகள் போன்றவற்றினை கருத்தில் கொண்டு தயாரிக்கப்பட்டுள்ளது.
5. ஃபோர்டு ஃபிகோ
பதிய தலைமுறை ஃபிகோ மற்றும் புதிய ஃபிகோ ஆஸ்பயர் செடான் என இரண்டு கார்களுமே சிறப்பான வரவேற்பினை பெற்று 5வது இடத்தில் உள்ளது. மிக சிறப்பான விலையில் ஃபோர்டு தரத்துடன் அனைத்து வேரியண்டிலும் காற்றுப்பைகள் என பாதுகாப்பு அம்சங்களுக்கு முக்கியத்துவம் கொடுக்கப்பட்டிருக்கின்றது. விற்பனையிலும் சிறப்பான எண்ணிக்கையை இருமாடல்களுமே பதிவு செய்து வருகின்றது.
4. மஹிந்திரா டியூவி300
மஹிந்திரா டியூவி300 எஸ்யூவி கார் காம்பேக் ரக பிரிவில் சிறப்பான வரவேற்பினை பெற்ற மாடலாகும். ஏஎம்டி கியர்பாக்ஸ் ஆப்ஷனுடன் வந்த முதல் காம்பேக்ட் ரக எஸ்யூவி மாடலான டியுவி300 சந்தையில் முதன்மை வகித்து வந்த ஈக்கோஸ்போர்ட் மாடலை பின்னுக்கு தள்ளியுள்ளது. மஹிந்திரா எஸ்யூவி பாரம்பரியத்தினை மீண்டும் ஒருமுறை நிரூபித்துள்ளது.
3. மாருதி பலேனோ
பிரிமியம் ஹேட்ச்பேக் பிரிவில் மாருதி சுசூகி பலேனோ கார் நெக்ஸா டீலர் வழியாக விற்பனைக்கு வந்தது. அனைத்து வேரியண்டிலும் அடிப்படை பாதுகாபு அம்சங்களுடன் விளங்கும் பலேனோ கார் விற்பனைக்கு வந்த 4 வாரங்களிலே 40,000 முன்பதிவுகளை கடந்தது. மேலும் அறிமுகம் செய்த ஒரே மாதத்திலே மாத விற்பனையில் முதல் 10 இடங்களில் இடம் பிடித்தது.
2. ஹூண்டாய் க்ரெட்டா
டஸ்ட்டர் முதல் எக்ஸ்யூவி500 வரை உள்ள அனைத்து போட்டியாளர்களுக்கும் மிகுந்த சவாலாக விளங்கும் ஹூண்டாய் க்ரெட்டா இந்தியாவின் சிறந்த கார் 2016 விருதினை பெற்றுள்ளது. இரண்டு டீசல் மற்றும் ஒரு பெட்ரோல் என்ஜின் ஆப்ஷன் ஆட்டோமேட்டிக் மாடலுடன் வந்த முதல் காம்பேக்ட் எஸ்யூவி மேலும் 1 லட்சம் முன்பதிவுகளை மிக விரைவாக நெருங்கி கொண்டிருக்கின்றது.
-
ரெனோ க்விட்
பல ஆண்டுகளாக மூடிசூடா மன்னாக விளங்கி வந்த மாருதி ஆல்ட்டோ காருக்கு சவாலினை ஏற்படுத்தி 2015யில் இந்தியாவின் ஒட்டுமொத்த ஆட்டோமொபைல் சந்தையை திரும்பி பார்க்க வைத்த கார் என்றால் அதில் ரெனோ க்விட் நிச்சியமாக முதலிடத்தினை பிடிக்கும். 800சிசி என்ஜினுடன் சிறப்பான மைலேஜ் , எஸ்யூவி போன்ற வடிவமைப்பு , நவீன அம்சங்கள் என இவற்றை விட மிக சவாலான விலை என அனைத்திலும் ஒரு கிங்மேக்கராக க்விட் விளங்குகின்றது.
இதுபற்றிய உங்கள் கருத்து என்ன ? ரெனோ க்விட் காருக்கு முதலிடம் கொடுத்தது சரியா ? கமென்ட் பன்னுங்க , கமென்ட பன்னுவதற்கு பேஸ்புக் மற்றும் டிஸ்கஸ் போன்றவற்றை பயன்படுத்தி கொள்ளலாம்.
