யமஹா மோட்டார் நிறுவனம் புதிதாக அறிமுகம் செய்துள்ள ஃபேரிங் ஸ்டைல் R3 பைக் விலை ரூ. 4.65,639 மற்றும் நேக்டூ ஸ்டைல் பெற்ற MT03 விலை ரூ.4.60,639 ஆக அறிவிக்கபட்டுள்ளது. முழுமையாக வடிவமைக்கப்பட்ட மாடலாக இறக்குமதி செய்யப்பட்டு விற்பனை செய்யப்பட உள்ளது.
இரு பைக்குகளும் ஒரே மாதிரியான என்ஜின் மற்றும் மெக்கானிக்கல் அம்சங்களை பகிர்ந்து கொள்ளுகின்றன.
Yamaha R3 & MT-03
ஃபேரிங் ஸ்டைலை பெற்ற புதிய ஆர்3 மற்றும் நேக்டூ ஸ்டைல் யமஹா MT-03 பைக்கில் மிக சிறப்பான பெர்ஃபாமென்ஸ் வெளிப்படுத்தக்கூடிய என்ஜின் பொருத்தப்பட்டுள்ளது. R3 பைக்கில் உள்ள 321cc பேரலல் ட்வின், லிக்விட் கூல்டு என்ஜின் வெளிப்படுத்தக்கூடிய 10.750 rpm-ல் அதிகபட்ச குதிரைத்திறன் 40.4 bhp, மற்றும் 9.000 rpm-ல் 29.4 Nm டார்க் வெளிப்படுத்துகின்றது. இந்த பைக்கில் 6 வேக கியர்பாக்ஸ் உள்ளது.
ஆர்3 பெர்ஃபாமென்ஸ் ரக ஃபேரிங் ஸ்டைல் பெற்ற 298 மிமீ டிஸ்க் பிரேக் மற்றும் 220 மிமீ பின்புற டிஸ்க் பிரேக் உடன் முன்புறத்தில் 37 மிமீ இன்வெர்டேட் ஃபோர்க் மற்றும் அட்ஜெஸ்ட் செய்யக்கூடிய வகையில் மோனோஷாக் அப்சார்பர் பின்புறத்தில் வழங்கப்பட்டு, டூயல்-சேனல் ஏபிஎஸ் பெற்றதாக விளங்கும். 14 லிட்டர் கொள்ளளவு பெற்ற பெட்ரோல் டேங்க் கொண்டு ஆர்3 பைக்கின் மொத்த எடை 169 கிலோ மட்டுமே ஆகும்.
யமஹா R3 பைக்கிற்கு போட்டியாக இந்திய சந்தையில் ஏப்ரிலியா RS 457, கேடிஎம் RC 390, டிவிஎஸ் அப்பாச்சி RR 310R, கீவே K300 R கவாஸாகி நின்ஜா 400 ஆகியவற்றை எதிர்கொள்ளும்.
யமஹா MT-03 பைக்கிற்கு சவாலாக பிஎம்டபிள்யூ G310 R, கேடிஎம் 390 டியூக், மற்றும் கீவே K300 N போன்றவை இடம்பெறுள்ளது.
- Yamaha MT-03 – ₹ 4,60,639
- Yamaha R3 – ₹ 4,65,639
