2016 டெல்லி வாகன கண்காட்சியில் பிஎம்டபிள்யூ 7 சீரிஸ் சொகுசு கார் ரூ. 1.11 கோடி விலையில் சச்சின் டெண்டுல்கர் விற்பனைக்கு அறிமுகம் செய்தார். பிஎம்டபிள்யூ 7 சீரிஸ் பேஸ் ரக வேரியண்ட் சென்னை ஆலையில் ஒருங்கிணைக்கப்பட உள்ளது.
கடந்த 2015 பிராங்ஃபர்ட் மோட்டார் ஷோவில் அறிமுகம் செய்யப்பட்ட 7 சீரிஸ் சொகுசு கார் இந்தியாவில் ஆட்டோ எக்ஸ்போவில் விற்பனைக்கு வந்துள்ளது. கார்பன் கோர் தொழிநுட்பத்தினை பயன்படுத்தி உருவாக்கப்பட்டுள்ள புதிய 7 சீரீஸ் கார் முந்தைய மாடலை விட 130கிலோ எடை குறைக்கப்பட்டிருந்தாலும் உறுதிமிக்க ஸ்டீல் , அலுமிணியம் மற்றும் கார்பன் ஃபைபர் கொண்டு உருவாக்கப்பட்டுள்ளது.
பிஎம்டபிள்யூ 730Ld மாடலில் 261 bhp ஆற்றலை வெளிப்படுத்தும் 6 சிலிண்டர் கொண்ட 3.0 லிட்டர் டீசல் என்ஜின் பொருத்தப்பட்டிருக்கும். இதன் டார்க் 620 Nm ஆகும். பிஎம்டபிள்யூ 750Li மாடலில் 444 bhp ஆற்றலை வெளிப்படுத்தும் 6 சிலிண்டர் கொண்ட 4.4 லிட்டர் பெட்ரோல் என்ஜின் பொருத்தப்பட்டிருக்கும். இதன் டார்க் 650 Nm ஆகும். இரண்டிலும் 8 வேக ஆட்டோ மேட்டிக் கியர்பாக்சினை பெற்றுள்ளது.
கம்ஃபோர்ட் , ஈக்கோ -புரோ , ஸ்போர்ட் மற்றும் புதிய அடாப்டிவ் மோட் என 4 விதமான டிரைவ் ஆப்ஷன்களை கொண்டுள்ளது.
பிஎம்டபிள்யூ 7 சீரிஸ் கார் விலை பட்டியல்
BMW 730Ld Design Pure Excellence : Rs. 1,11,00,000
BMW 730Ld M Sport : Rs. 1,19,00,000
BMW 730Ld Design Pure Excellence (CBU) : Rs. 1,40,00,000
BMW 750Li Design Pure Excellence (CBU) : Rs. 1,50,00,000
BMW 750Li M Sport (CBU) : Rs. 1,55,00,000
{ அனைத்தும் டெல்லி எக்ஸ்ஷோரூம் விலை }
