₹ 1,29,999 விலை வெளியிடப்பட்டுள்ள இ-ஸ்பிரிண்டோ நிறுவனத்தின் அமெரி எலக்ட்ரிக் ஸ்கூட்டர் மாடல் முழுமையான சிங்கிள் சார்ஜில் 140Km பயணிக்கும் திறனுடன் அதிகபட்ச வேகம் 65KM/Hr ஆக உள்ளது.
அங்கீகரிக்கப்பட்ட இ-ஸ்பிரிண்டோ டீலர்ஷிப்கள் மற்றும் ஷோரூம்களில் இருந்து அமெரி ஸ்கூட்டரை முன்பதிவு செய்யலாம். குறிப்பாக முதல் 100 வாடிக்கையாளர்களுக்கு மட்டுமே இந்த விலை பொருந்தும். பிறகு விலை கனிசமாக உயர்த்தப்பட உள்ளது.
e-Sprinto Amery escooter
இளைய தலைமுறையினருக்கு ஏற்ற அம்சங்களை கொண்டுள்ள இ-ஸ்பிரிண்டோ அமெரி எலக்ட்ரிக் ஸ்கூட்டர் 200mm கிரவுண்ட் கிளியரன்ஸ் கொண்டு 98 கிலோ எடையை பெற்றுள்ளது.
அமெரி மாடலில் 1500W BLDC ஹப் மோட்டார் பொருத்தப்பட்டு அதிகபட்ச பவர் 2.5KW வெளிப்படுத்துகின்றது. இந்த ஸ்கூட்டரில் 0 முதல் 40 கிமீ வேகத்தை எட்டுவதற்கு 6 வினாடிகளில் போதுமானதாகும். டாப் ஸ்பீடு 65Km/hr ஆக உள்ள நிலையில் முன்புறத்தில் டிஸ்க் மற்றும் பின்புறத்தில் டிரம் பிரேக் கொண்டதாக அமைந்துள்ளது.
லித்தியம் அயன் NMC பேட்டரி, 60V 50AH திறன் கொண்டதாக உள்ள இந்த மாடல் முழுமையான சார்ஜ் செய்ய 4 மணி நேரம் எடுத்துக் கொள்ளும். முழுமையான சார்ஜில் 140km பயணிக்கலாம்.
வெள்ளை, கருப்பு மற்றும் மஞ்சள் என மூன்று விதமான நிறத்தை கொண்டு ரிமோட் கண்ட்ரோல் லாக், மொபைல் சார்ஜிங் சாக்கெட், வாகனத்தைக் கண்டுபிடிக்கும் அம்சம் மற்றும் திருட்டினை தடுக்கும் அலாரம் ஆகியவற்றை கொண்டுள்ளது.
