ஹீரோ மோட்டோகார்ப் மற்றும் ஹார்லி-டேவிட்சன் கூட்டணியில் உருவான முதல் பைக் மாடலான X440 டெலிவரி துவங்கியுள்ள நிலையில், மீண்டும் முன்பதிவு துவங்கப்பட்டுள்ளது. முதற்கட்டமாக 25,000 யூனிட்டுகளுக்கு அதிகமான முன்பதிவை பெற்ற நிலையில், நேற்று ஒரே நாளில் 1,000 எக்ஸ் 440 பைக்குகள் டெலிவரி வழங்கப்பட்டுள்ளது.
Harley-Davidson X440
மீண்டும் முன்பதிவு துவங்கப்பட்டுள்ள நிலையில், ஹீரோ மோட்டோகார்ப் தலைமைச் செயல் அதிகாரி நிரஞ்சன் குப்தா கூறுகையில், “பண்டிகைக் காலத்தின் முதல் நாளிலேயே டெலிவரிகளை நாங்கள் தொடங்கியபோது, எங்கள் வாடிக்கையாளர்களின் புன்னகை மற்றும் மகிழ்ச்சியைக் கண்டு நாங்கள் மகிழ்ச்சியடைந்தோம். அடுத்த 4-5 மாதங்களில் அனைத்து டெலிவரிகளையும் முடிக்க உள்ளோம். ஹார்லி டேவிட்சனை சொந்தமாக்கிக் கொள்ள விரும்பும் இந்தியாவில் உள்ள ஒவ்வொரு வாடிக்கையாளருக்கும் நாங்கள் சேவை செய்ய விரும்புவதால்,ஏற்கனவே திறனை அதிகரிக்கும் செயல்பாட்டில் உள்ளோம் என குறிப்பிட்டுள்ளார்.
சிங்கிள் சிலிண்டர் ஏர் ஆயில் கூல்டு என்ஜின் பெற்ற ஹார்லி எக்ஸ் 440 6000 rpm-ல் 27 bhp பவர் மற்றும் 38 Nm at 4000rpm டார்க் வழங்கும். இதில் 6 வேக கியர்பாக்ஸ் கொண்டுள்ளது.ஹார்லி எக்ஸ் 440 தோராயமான தமிழ்நாடு ஆன்-ரோடு விலை
X440 Denim ₹. 2,71,456 லட்சம்
X440 Vivid ₹. 295,540 லட்சம்
X440 S ₹. 3,25,645 லட்சம்
(On-road Price in Tamilnadu)
