ஹீரோ மோட்டோகார்ப் நிறுவனத்தின், மேஸ்ட்ரோ எட்ஜ் , டூயட் ஸ்கூட்டர்களின் அடிப்படையில் 125சிசி எஞ்சின் பெற்ற ஹீரோ டூயட் 125 மற்றும் ஹீரோ மேஸ்ட்ரோ எட்ஜ் 125 ஆகிய இரண்டு ஸ்கூட்டர்களை பண்டிகை காலத்துக்கு முன்னதாக விற்பனைக்கு அறிமுகம் செய்ய திட்டமிட்டுள்ளது.
ஹீரோ டூயட் 125 மற்றும் ஹீரோ மேஸ்ட்ரோ எட்ஜ் 125
ஹீரோ நிறுவனத்தின் மேஸ்ட்ரோ எட்ஜ் மற்றும் ஹீரோ டூயட் ஆகிய இரு ஸ்கூட்டர்களின் அடிப்படையில் 125சிசி எஞ்சின் பெற்ற மாடலை ஆட்டோ எக்ஸ்போ அரங்கில் காட்சிப்படுத்தப்பட்ட இரு மாடல்களும் விற்பனையில் உள்ள மாடலின் அடிப்படையில் வடிவமைக்கப்பட்டுள்ளது.
இரு ஸ்கூட்டர்களிலும் 8.7hp பவர் மற்றும் 10.2Nm டார்க் வெளிப்படுத்துகின்ற 125சிசி எஞ்சின் பொருத்தப்பட்டுள்ளது. இதில் சிவிடிகியர்பாக்ஸ் இடம்பெற்றுள்ளது. இந்த ஸ்கூட்டரில் மிக முக்கியமாக இந்நிறுவனத்தின் எரிபொருளை சேமிக்கும் முறையான i3S (idle-start-stop tech) எனும் நுட்பத்தை கொண்ட மாடலாக வரவுள்ளது.
மிகவும் ஸ்டைலிஷான தோற்ற பொலிவினை பெற்ற மேஸ்ட்ரோ எட்ஜ் ஸ்கூட்டரில் எல்இடி டெயில் விளக்கு, வெளிப்புற எரிபொருள் நிரப்பும் வசதி, சர்வீஸ் இன்டிகேட்டர், சைட் ஸ்டேன்ட் இன்டிகேட்டர் போன்றவற்றுடன் இளைய தலைமுறையினரை கவரும் வகையிலான ஸ்டைலை பெற்றுள்ளது. முன்புறத்தில் டிஸ்க் பிரேக் ஆப்ஷனலாக கொண்ட வேரியண்ட் விற்பனை செய்யப்படுகின்றது.
மெட்டல் பாடி பெற்ற ஹீரோ டூயட் 125 ஸ்கூட்டரில் டிரம் பிரேக்குடன், எல்இடி டெயில் விளக்கு, வெளிப்புற எரிபொருள் நிரப்பும் வசதி, சர்வீஸ் இன்டிகேட்டர், சைட் ஸ்டேன்ட் இன்டிகேட்டர் போன்றவற்றுடன் கிடைக்கப் பெறுகின்றது.
அடுத்த சில மாதங்களுக்குள் விற்பனைக்கு வரக்கூடும் என எதிர்பார்க்கப்படுகின்ற ஹீரோ மேஸ்ட்ரோ எட்ஜ் 125 ஸ்கூட்டர் விலை ரூ. 54,500 மற்றும் ஹீரோ டூயட் 125 விலை ரூ 52,000 என நிர்ணயம் செய்யப்பட உள்ளது.
