உலகின் நடுத்தர மோட்டார் சைக்கிள் சந்தையில் முதன்மையான தயாரிப்பாளராக விளங்கும் ராயல் என்ஃபீல்டு மோட்டார் சைக்கிள் நிறுவனம் கூடுதலாக 250சிசி பைக்குகளை உருவாக்குவதற்கான ஆரம்ப கட்ட பணிகளை தொடங்கியுள்ளதாக தகவல் கசிந்துள்ளது.
Royal Enfield 250cc
தற்பொழுது ராயல் என்ஃபீல்டு ஆரம்ப நிலை எஞ்சின் 350சிசி ஆக உள்ளதால் பல்வேறு மாடல்கள் இந்த இன்ஜினை பெற்று ஹண்டர் 350 ரூபாய் 1.50 லட்சம் விலையில் துவங்குவதனால் இதைவிட குறைவாகவும் அல்லது எதிர்காலத்தில் விலை அதிகரிக்கும் போது விலையை ஈடுகட்ட 250 சிசி என்ஜின் முக்கிய ஒரு காரணியாக இருக்கலாம்.
250cc இஞ்சின் தயாரிப்பு தொடர்பாக பல்வேறு ஆண்டுகளாக பேசப்பட்டு வந்தாலும் கூட தற்பொழுது மேல்மட்டத்தில் இருந்து அனுமதி codename V என்ற பெயரில் வழங்கப்பட்டுள்ளதால் எதிர்காலத்தில் வரவுள்ள புதிய மாடல்கள் 2026-2027 ஆம் நிதியாண்டில் குறைந்த சிசி பெற்றதாக வரக்கூடும் கூறப்படுகின்றது.
குறிப்பாக அதிகரித்து வரும் போட்டியை ஈடுகட்டவும் மேலும் கடுமையான சவால் நிறைந்த வகையில் விலையை குறைப்பதற்கும் இந்த 250 சிசி இஞ்சின் முக்கிய ஒரு காரணமாக அமையலாம்.
சமீபத்தில் ராயல் என்ஃபீல்டு மோட்டார் சைக்கிள் நிறுவனம் Sherpa 452 என்ஜினை அறிமுகம் செய்து இதில் ஹிமாலயன் 450 மற்றும் தற்பொழுது கொரில்லா 450 என இரண்டு மாடல்களை விற்பனைக்கு வெளியிட்டிருக்கின்றது.
