250சிசி சந்தையில் அறிமுகம் செய்யப்பட்டுள்ள புதிய சுஸுகி ஜிக்ஸர் SF 250 பைக்கில் மோட்டோ ஜிபி மாடலை 1 லட்சத்து 71 ஆயிரம் ரூபாய் விலையில் சுஸூகி மோட்டார்சைக்கிள் நிறுவனம் வெளியிட்டுள்ளது.
முன்பாக ஃபேரிங் செய்யப்பட்ட ஜிக்ஸெர் SF பைக்கில் மோட்டோ ஜிபி வெர்ஷனை ரூ.1.10 லட்சத்தில் விற்பனைக்கு அறிமுகம் செய்யப்பட்டது. இதனை தொடர்ந்து தற்பொழுது 250சிசி மாடலை மோட்டோ ஜிபி பதிப்பில் வெளியிட்டுள்ளது.
249சிசி SOHC , 4 வால்வுகளை பெற்ற ஃப்யூவல் இன்ஜெக்ஷன் ஒற்றை சிலிண்டர் என்ஜின் பொருத்தப்பட்டிருக்கின்றது. இந்த என்ஜின் அதிகபட்சமாக 26.5 ஹெச்பி பவரும் மற்றும் 22.6Nm டார்க் வெளிப்படுத்தும். இதில் 6 வேக கியர்பாக்ஸ் பெற்றிருக்கின்றது. சுஸூகி ஜிக்ஸர் SF 250 பைக் மைலேஜ் லிட்டருக்கு 38.5 கிமீ ஆகும்.
மூன்று பிரிவுகளை பெற்ற எல்இடி ஹெட்லைட் யூனிட், ஸ்டைல் அம்சங்கள் உட்பட எல்இடி டெயில்லைட், டிஜிட்டல் இன்ஸ்ட்ரூமென்ட் கிளஸ்ட்டரில் பல்வேறு நவீன வசதிகள் மற்றும் ஸ்மார்ட்போனை இணைக்கும் அம்சத்துடன் டைமன்ட் கட் ஃபினிஷ் பெற்ற மல்டி ஸ்போக் அலாய் வீல் பெற்றுள்ளது.
2019 சுசுகி ஜிக்ஸர் SF 250 பைக் விலை ரூ.1.70 லட்சம் என விற்பனை செய்யப்படுகின்றது. ரூ.1.71 லட்சம் விலையில் மோட்டோ ஜிபி சுசுகி ஜிக்ஸர் SF 250 அறிமுகமாகியுள்ளது.
