விற்பனையில் கிடைக்கின்ற எர்டிகா காரில் மேம்பட்ட பிஎஸ6 உமிழ்வுக்கு ஏற்ப என்ஜினை பெற்றதாக விற்பனைக்கு மாருதி சுசுகி வெளியிட்டுள்ளது. முந்தைய மாடலை விட ரூ.7,000 வரை விலை உயர்த்தப்பட்டுள்ளது.
எர்டிகா VXi வேரியன்டினை பின்பற்றி வந்துள்ளகாரில் முன் மற்றும் பின் கதவுகளுக்கு பவர் விண்டோஸ், சென்ட்ரல் லாக்கிங், எலக்ட்ரிக் முறையில் இயங்கும் ORVMs, இரு காற்றுப்பை, ரியர் பார்க்கிங் சென்சார் வழங்கப்பட்டுள்ளது.
இன்டிரியரில் ஆடியோ சிஸ்டம் வழங்கப்பட்டு எம்பி3, யூஎஸ்பி மற்றும் ப்ளூடூத் போன்றவை இணைக்கப்பட்டு, அடுத்தப்படியாக ஸ்டீயரிங் வீலில் ஆடியோ கட்டுப்பாடு பொத்தான் வழங்கப்பட்டுள்ளது.
1.5 லிட்டர் பெட்ரோல் என்ஜின் அதிகபட்சமாக 92 hp பவர் மற்றும் 122Nm டார்க் வழங்குகின்றது. இந்த என்ஜினில் 5 வேக கியர்பாக்ஸ் உள்ளது. ஒரு கிலோ சிஎன்ஜி எரிபொருளுக்கு 26.02 கிமீ மைலேஜ் வழங்கும். எர்டிகா விற்பனைக்ககு வெளியிடப்பட்ட 9 ஆண்டுகளில் 5.28 லட்சம் யூனிட்டுகள் விற்பனை செய்யப்பட்டுள்ளது.
பிஎஸ்6 மாருதி எர்டிகா எஸ்-சிஎன்ஜி விலை ரூ.8.95 லட்சம் (எக்ஸ்ஷோரூம்)