சீனாவை தலைமையிடமாக கொண்ட பிஒய்டி (BYD-Build Your Dreams) நிறுவனத்தின் e6 எலக்ட்ரிக் எம்பிவி காரின் விலை ரூ.29.15 லட்சம் ஆக நிர்ணையிக்கப்பட்டுள்ளது. 5 இருக்கைகளை பெற்ற இந்த மின்சார காரின் சென்னை உள்ளிட்ட 8 நகரங்களில் வர்த்தகரீதியான (B2B) பயன்பாட்டிற்கு மட்டும் கிடைக்க உள்ளது.
சென்னை, அகமதாபாத், பெங்களூரு, டெல்லி என்சிஆர், ஹைதராபாத், கொச்சி, மும்பை மற்றும் விஜயவாடா என மொத்தமாக 8 மாநகரங்களில் e6 கிடைக்கும் என BYD குறிப்பிட்டுள்ளது. இந்நிறுவனம் தற்போது இந்த இடங்களில் டீலர் நெட்வொர்க்கை உறுதிப்படுத்தியுள்ளது.
BYD e6 எலக்ட்ரிக் கார்
e6 எம்பிவி காரில் எல்இடி ரன்னிங் விளக்குடன், பின்பக்க எல்இடி டெயில்-லைட்கள், லெதர் இருக்கைகள், 6 வழிகளில் அட்ஜெஸ்ட் செய்யக்கூடிய டிரைவர் மற்றும் முன் பயணிகள் இருக்கைகள், ப்ளூடூத் மற்றும் வைஃபை இணைப்புடன் கூடிய 10.1-இன்ச் டச்ஸ்கிரீன் இன்ஃபோடெயின்மென்ட் சிஸ்டம் ஆகியவற்றுடன் வருகிறது.
e6 காரினை BYD இ-பிளாட்ஃபார்மில் வடிவமைக்கப்பட்டு ஐந்து இருக்கைகள் கொண்ட மின்சார காரில் 71.7kWh லித்தியம் ஐயன் பாஸ்பேட் பேட்டரி பெற்று அதிகபட்சமாக 95hp பவர், 180Nm டார்க் வழங்குகின்றது. மணிக்கு 130 கிமீ வேகத்தில் பயணிக்கும் திறனை பெற்றுள்ளது.
BYD அறிக்கையில் குறிப்பிட்டுள்ள தகவலின் படி தோராயமாக 415km வரை பயணிக்கலாம் என WLTC சோதனையில் குறிப்பிட்டுள்ளது. அடுத்தப்படியாக, நகர்ப்புற பயன்பாட்டில் அதிகபட்சமாக 520 கிமீ கிடைக்கும் WLTC மூலம் உறுதிப்படுத்தியுள்ளது. DC ஃபாஸ்ட் சார்ஜிங்கை ஆதரிக்கின்ற இந்த காரில் 30-80 சதவிகிதம் சார்ஜ் செய்ய 35 நிமிடங்கள் போதுமானதாகும்.
BYD இந்தியா தனது வாடிக்கையாளர்களுக்கு உத்தரவாதத்தை மூன்று ஆண்டுகள்/1,25,000 கிமீ, பேட்டரிக்கு வாரண்டி எட்டு ஆண்டுகள்/5,00,000 கிமீ மற்றும் எட்டு ஆண்டுகள்/1,50,000 கிமீ மோட்டார் உத்தரவாதத்தை வழங்க உள்ளது.
