ஹோண்டா கார்ஸ் இந்தியா வருடாந்திர முடிவை கொண்டாடும் வகையில் அதிகபட்சமாக ரூ.88,600 வரை சலுகை அறிவித்துள்ளது. இந்த சலுகை அமேஸ் மற்றும் சிட்டி செடான் காருக்கு வழங்கப்பட்டுள்ளது.
புதிதாக அறிமுகம் செய்யப்பட்ட எலிவேட் எஸ்யூவி அமோக ஆதரவினை பெற்றுள்ள நிலையில் ஹோண்டாவின் சந்தை பங்களிப்பு அதிகரித்துள்ளது. எலிவேட் மாடலுக்கு எந்த சலுகையும் அறிவிக்கப்படவில்லை.
Honda Cars India Year end offers
2023 ஆம் ஆண்டு இறுதி சலுகைகளின் ஒரு பகுதியாக, சிட்டி செடான் காருக்கு ரூ.88,600 மதிப்புள்ள சலுகையை ஹோண்டா வழங்குகிறது. இதில் ரூ.25,000 வரை ரொக்கத் தள்ளுபடி அல்லது ரூ.26,947 மதிப்புள்ள இலவச ஆக்சஸெரீகள் அடங்கும். வாடிக்கையாளர்கள் ரூ.15,000 கார் எக்ஸ்சேஞ்ச் போனஸ், ரூ.4,000 மதிப்புள்ள லாயல்டி போனஸ் மற்றும் ரூ.6,000 ஹோண்டா கார் எக்ஸ்சேஞ்ச் போனஸ் பெறலாம். மேலும், கார்ப்பரேட் தள்ளுபடி ரூ.5,000 மற்றும் சிறப்பு கார்ப்பரேட் தள்ளுபடி ரூ.20,000 வழங்குகிறது.
VX மற்றும் ZX டிரிம்களில் ரூ. 13,651 மதிப்புள்ள நீட்டிக்கப்பட்ட வாரண்டி வழங்குவதாகவும், சிட்டி எலிகண்ட் எடிஷன் கார் எக்ஸ்சேஞ்ச் போனஸ் தள்ளுபடி ரூ.10,000 மற்றும் ரூ.40,000 மதிப்பிலான சலுகைகளை பெறுகின்றது. சிட்டி ஹைபிரிட் கார்களுக்கு இந்த சலுகை வழங்கப்படுகின்றது.
அமேஸ் காருக்கு வேரியண்ட்டை பொறுத்து சலுகைகள் மாறக்கூடும் நிலையில் அதிகபட்சமாக ரூ77,000 வரை வழங்குகின்றது. இதில் ரூ.35,000 வரை ரொக்கத் தள்ளுபடி அல்லது ரூ.42,444 மதிப்புள்ள இலவச ஆக்சஸெரீகள் அடங்கும். வாடிக்கையாளர்கள் ரூ.15,000 கார் எக்ஸ்சேஞ்ச் போனஸ் பெறலாம். மேலும், கார்ப்பரேட் தள்ளுபடி ரூ.3,000 வழங்குகிறது.
மேலே குறிப்பிடப்பட்டுள்ள சலுகைகள் 31-12-2023 வரை மட்டுமே வழங்கப்படும். டீலர்கள், வேரியண்ட் அடிப்படையில் மாறக்கூடும். மேலதிக விபரங்களை அறிந்து கொள்ள அடுகாமையில் உள்ள ஹோண்டா கார்ஸ் இந்தியா டீலரை அனுகலாம்.