விற்பனைக்கு வந்துள்ள தொடக்கநிலை E+, EX என இரண்டு ஹூண்டாய் க்ரெட்டா வேரியண்டில் 1.6 லிட்டர் டீசல் என்ஜின் 6 வேக மேனுவல் கியர்பாக்ஸ் பெற்றுள்ளது. ஹூண்டாய் க்ரெட்டாவின் 1.6 லிட்டர், 4 சிலிண்டர் டீசல் எஞ்சின் 4,000 ஆர்பிஎம்-மில் 126 பிஹெச்பி பவரை வழங்குவதுடன் மற்றும் 1,500-3,000 ஆர்பிஎம்-மில் 260 என்எம் டார்க் உருவாக்குகிறது. இந்த எஞ்சின் 6-ஸ்பீடு மேனுவல் கியர்பாக்ஸுடன் E +, EX, SX டூயல் டோன் மற்றும் SX (O) ட்ரீம்களுடன் இணைக்கப்பட்டுள்ளது, அதே நேரத்தில் 6 வேக ஆட்டோமேட்டிக் கியர்பாக்ஸ் SX வகையில் மட்டுமே வழங்கப்படுகிறது.
தொடக்கநிலை க்ரெட்டா E+ கருப்பு உடன் சில்வர் கிரில், பாடி வண்ண கதவு கைப்பிடிகள் மற்றும் ORVM, ஸ்டீல் வீல், டூயல் டோன் பம்பர் மற்றும் சில்வர் ஸ்கிட் பிளேட்டுகள் அடிப்படை அம்சங்களுடன் வந்துள்ளது. எல்இடி டர்ன் சிக்னல்கள், ஃபாலோ-மீ-ஹோம் ஹெட்லேம்ப்ஸ், ஏசி, முன் சென்டர் ஆர்ம்ரெஸ்ட் மற்றும் உயரத்தை சரிசெய்யக்கூடிய இருக்கை ஆகியவற்றைக் கொண்டுள்ளது. மின்சார டெயில்கேட் வசதி, பின்புற ஏசி வென்ட்கள் மற்றும் டில்ட் ஸ்டீயரிங் பெற்றுள்ளது.
பாதுகாப்பினை பொருத்தவரை இரட்டை முன் ஏர்பேக்குகள், ஈபிடியுடன் ஏபிஎஸ், பின்புற பார்க்கிங் சென்சார்கள், பகல் / இரவு ஐஆர்விஎம், சீட் பெல்ட் ரிமைண்டர், முன் சீட் பெல்ட் ப்ரெடென்ஷனர்கள் மற்றும் அதிவேக எச்சரிக்கை வசதிகள் உள்ளது.
E + வேரியண்ட் வசதிகளுடன் கூடுதலாக, எல்இடி டிஆர்எல், பின்புற சென்டர் ஆர்ம்ரெஸ்ட், முன் யூஎஸ்பி சார்ஜர், மேப் லைட் மற்றும் சன்கிளாஸ் ஹோல்டர், உயரத்தை சரிசெய்யக்கூடிய இருக்கை மற்றும் சரிசெய்யக்கூடிய முன் மற்றும் பின்புற ஹெட்ரெஸ்ட்கள் பெற்றுள்ளது. இந்த வேரியண்டில் 5.0 இன்ச் தொடுதிரை இன்ஃபோடெயின்மென்ட் சிஸ்டத்தையும் ப்ளூடூத் இணைப்பு, மல்டி ஆப்ஷன் ஸ்டீயரிங் மற்றும் ஹூண்டாய் ஐ-ப்ளூ ஆடியோ ரிமோட் ஆப் ஆகியவற்றைக் கொண்டுள்ளது.
ஹூண்டாய் க்ரெட்டா 1.6 லிட்டர் E+ – ரூ.10.88 லட்சம்
ஹூண்டாய் க்ரெட்டா 1.6 லிட்டர் EX – ரூ. 11.92 லட்சம்
(எக்ஸ்-ஷோரூம் டெல்லி)
