விற்பனையில் கிடைக்கின்ற மாருதி சுசூகி ஸ்விஃப்ட் மாடலுக்கு ரூ.42,000 வரை தள்ளுபடி அறிவிக்கப்பட்டுள்ளதால், புதிய நான்காம் தலைமுறை ஸ்விஃப்ட் கார் மார்ச் அல்லது ஏப்ரல் மாதம் விற்பனைக்கு அறிமுகம் செய்யப்படலாம் என எதிர்பார்க்கின்றோம்.
நான்காம் தலைமுறை ஸ்விஃப்ட் பற்றி பல்வேறு முக்கிய விபரங்களை நாம் தொகுத்து வழங்கி உள்ள நிலையில் ஜப்பானில் இந்த மாடல் விற்பனைக்கு கிடைக்கின்றது. இந்தியாவில் புதிய 2024 மாடல் உற்பத்தி துவங்கப்பட உள்ளதால் சலுகைகளை சந்தையில் உள்ள மாடலுக்கு அறிவித்துள்ளது.
ரூ.42,000 வரை அறிவிக்கப்பட்டுள்ள சலுகையில் ரொக்க தள்ளுபடி, எக்ஸ்சேஞ்ச் போனஸ் மற்றும் கார்ப்பரேட் தள்ளுபடிகளும் உள்ளன. ரூபாய் 15,000 வரை ரொக்க தள்ளுபடி, எக்ஸ்சேஞ்ச் போனஸ் ரூ. 20,000, மற்றும் கார்ப்பரேட் தள்ளுபடி ரூ. 7,000 என வழங்கப்படும் சலுகை நடப்பு நவம்பர் மாதத்துக்கு மட்டுமே பொருந்தும்.
வரவுள்ள புதிய மாருதி ஸ்விஃப்ட் பற்றி சில தகவல்;
- புதிய மூன்று சிலிண்டர் Z12E 1.2 லிட்டர் பெட்ரோல் மைல்டு ஹைபிரிட் என்ஜின் 5,700rpm சுழற்சியில் 82hp மற்றும் 4,500rpm சுழற்சியில் 108Nm டார்க்கை உற்பத்தி செய்கின்றது.
- மேனுவல் மற்றும் ஏஎம்டி கியர்பாக்ஸ் இடம்பெற உள்ளது.
- WLTP சோதனை முறையில் மைலேஜ் ஹைபிரிட் அல்லாத வேரியண்ட் 23.4kmpl மற்றும் ஹைபிரிட் வேரியண்ட் 24.5kmpl ஆகும்.
- இன்டிரியரில் ஃபிரீ ஸ்டாண்டிங் முறையிலான 9 அங்குல இன்ஃபோடெயின்மென் சிஸ்டம் உடன் மேம்பட்ட கேபினில் சிறப்பான இடவசதி வழங்கப்பபடுகின்றது.
- புதுப்பிக்கப்பட்ட பம்பர், புதிய அலாய் வீல் என பெற்றுள்ள மாடல் 6 ஏர்பேக்குகள், இபிடி , ஏபிஎஸ் ஆகியவற்றுடன் எலக்ட்ரிக் பார்க்கிங் பிரேக் உள்ளிட்ட அம்சங்களை பெறலாம்.
புதிய மாருதி சுசூகி ஸ்விஃப்ட் விற்பனைக்கு வரும் பொழுது விலை ரூ.6 லட்சத்துக்கும் கூடுதலாக வரக்கூடும் என எதிர்பார்க்கின்றோம்.
