18 நாட்களில் 15,000 முன்பதிவை அள்ளிய மஹிந்திரா தார் எஸ்யூவி

கடந்த அக்டோபர் 2 ஆம் தேதி வெளியிடப்பட்ட புதிய மஹிந்திரா தார் எஸ்யூவி காரின் முன்பதிவு அன்றைய தினமே துவங்கப்பட்ட நிலையில், 18 நாட்களில் 15,000 க்கும் கூடுதலான முன்பதிவுகள் மற்றும் 65,000 விசாரிப்புகளை பெற்றுள்ளது.

குறிப்பாக தார் எஸ்யூவி காரை பதிவு செய்வோர்களில் 57 சதவீதம் பேர் முதன்முறையாக கார் வாங்குவோர்களாக உள்ளதாக மஹிந்திரா குறிப்பிட்டுள்ளது. வரும் நவம்பர் 1 ஆம் தேதி முதல் டெலிவரி துவங்கப்பட உள்ளது. AX மற்றும் LX என இரு விதமான ஆப்ஷனை பெற்றுள்ள இந்த மாடலில் LX வேரியண்டில் உள்ள கன்வெர்டிபிள் மற்றும் ஆட்டோமேட்டிக் கியர்பாக்ஸ் பெற்ற கார்களுக்கு அதிகப்படியான வரவேற்பினை பெற்றுள்ளது. மேலும் காத்திருப்பு காலம் 2-3 வாரங்கள் வரை உயர்ந்துள்ளதாக தெரிவிக்கப்படுகின்றது.

சமீபத்தில் தார் #1 எஸ்யூவி மாடல் ரூ.1.11 கோடி வரை எலத்துக்கு எடுக்கப்பட்ட நிலையில், இதன் மீதான வரவேற்பினை மேலும் அதிகரித்தது.

தார் எஸ்யூவி இன்ஜின்

தார் எஸ்யூவி காரில் இடம்பெற்றுள்ள 2.0 லிட்டர் Mstallion பெட்ரோல் என்ஜின் அதிகபட்சமாக 5000 RPM-ல் 150 ஹெச்பி பவர் மற்றும் 1500-3000rpm-ல் 320 என்எம் டார்க் (ஆட்டோமேட்டிக்) மற்றும் 1250-3000rpm-ல் 300 என்எம் டார்க் (மேனுவல்) வெளிப்படுத்தும். 6 வேக மேனுவல் மற்றும் 6 வேக ஆட்டோமேட்டிக் டார்க் கன்வெர்ட்டர் என இரு விதமான ஆப்ஷனை பெறுகின்றது.

அதிகபட்சமாக 3750 RPM -ல் 130 ஹெச்பி பவர் மற்றும் 300 என்எம் டார்க் திறனை 1600 – 2800 RPM -ல் வெளிப்படுத்தும் 2.2 லிட்டர் எம் ஹாக் டீசல் என்ஜின் பொருத்தப்பட்டுள்ளது. இதில் 6 வேக மேனுவல் மற்றும் 6 வேக ஆட்டோமேட்டிக் டார்க் கன்வெர்ட்டர் என இரு விதமான ஆப்ஷனை பெறுகின்றது.

மேலும் அனைத்து வேரியண்டிலும் மேனுவல் ஷிஃப்ட் 4×4 டிரான்ஸ்ஃபர் கேஸ் வழங்கப்பட்டுள்ளது.

Web Title : New Mahindra Thar garners over 15,000 bookings

Exit mobile version