நிசான் இந்தியா விற்பனை செய்து வருகின்ற ஒரே மாடலான மேக்னைட் எஸ்யூவி காரில் கூடுதலாக சிவிடி கியர்பாக்ஸ் பெற்ற வேரியண்டிலும் கெஸா எடிசன் விற்பனைக்கு ரூ.9.84 லட்சத்தில் அறிமுகம் செய்யப்பட்டுள்ளது.
கடந்தாண்டு மே மாதம் வெளியிடப்பட்ட கெஸா எடிசன் எஸ்யூவி மாடலில் மேனுவல் கியர்பாக்ஸ் மட்டும் பெற்றிருந்த நிலையில், தற்பொழுது சிவிடி மாடலும் வெளியாகியுள்ளது.
100 hp பவரை 5,000rpmலும் மற்றும் 160 Nm டார்க் 2,800-3,600 rpm சுழற்சியில் (152Nm – CVT) வழங்குகின்ற 1.0 லிட்டர் டர்போ பெட்ரோல் இன்ஜின் பொருத்தப்பட்டுள்ளது. இதில் 5 வேக மேனுவல் மற்றும் சிவிடி கியர்பாக்ஸ் இடம்பெற்றுள்ளது.
சாதாரன 1.0 லிட்டர் பெட்ரோல் இன்ஜின் 72hp பவரை 6,250rpm-லும், 96 Nm டார்க்கினை 3,500rpm-ல் வழங்கக்கூடிய மாடலில் 5 வேக மேனுவல் கியர்பாக்ஸ் மட்டும் உள்ளது.
இசைக்கு முக்கியத்துவம் கொடுக்கப்பட்டுள்ள 9 அங்குல தொடுதிரை இன்ஃபோடெயின்மென்ட் சிஸ்டத்துடன் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, ஜேபிஎல் ஒலி அமைப்பு, பாதை வழிகாட்டுதல்களுடன் கூடிய ரியர் பார்க்கிங் கேமரா, ஆப் அடிப்படையிலான கட்டுப்பாடுகளுடன் ஆம்பியன்ட் விளக்குகள், சுறா துடுப்பு வகையிலான அமைப்பினை பெற்றிருக்கின்றது.
தற்பொழுது 2024 நிசான் மேக்னைட் எஸ்யூவி விலை ரூ.6 லட்சம் முதல் ரூ.11.27 லட்சம் (எக்ஸ்ஷோரூம்) வரை அமைந்துள்ளது.
