டொயோட்டா ஹைலக்ஸ் சேம்ப் பிக்கப் டிரக் அறிமுகமானது

டொயோட்டா நிறுவனத்தின் IMV 0 பிளாட்ஃபாரத்தில் வடிவமைக்கப்பட்ட ஹைலக்ஸ் சேம்ப் குறைந்த விலை கொண்ட பிக்கப் டிரக் மாடலாக ஹைலக்ஸ் பிராண்டின் கீழ் தாய்லாந்தில் விற்பனைக்கு அறிமுகம் செய்யப்பட்டுள்ளது.

மிகவும் பிரசத்தி பெற்ற ஹைலக்ஸ் பிராண்டில் வந்துள்ள குறைந்த விலை ஹைலக்ஸ் சேம்ப் டிரக் மாடலில் மிக இலகுவாக 11 விதமான கஸ்டமைஸ் வசதிகளை வர்த்தக ரீதியாக மட்டுமல்லாமல் தனிநபர்களுக்கு ஏற்ற வகையிலும் மாற்றிக் கொள்ளலாம்.

Toyota Hilux Champ

புதிய ஹைலக்ஸ் சேம்ப் மூன்று பவர்டிரெய்ன் ஆப்ஷனை பெறும் நிலையில் அதன் விபரம் பின் வருமாறு ;- 2.0 லிட்டர் பெட்ரோல் என்ஜின் 137 bhp மற்றும் 183 Nm டார்க் வெளிப்படுத்தி 5 வேக மேனுவல் மற்றும் 6 வேக ஆட்டோமேட்டிக் கியர்பாக்ஸ் பெறுகின்றது.

2.7 லிட்டர் பெட்ரோல் என்ஜின் 166 bhp மற்றும் 245 Nm டார்க் வழங்கும் மாடல் 5 வேக மேனுவல் மற்றும் 6 வேக ஆட்டோமேட்டிக் கியர்பாக்ஸ் கொண்டுள்ளது.

இறுதியாக, 2.4 லிட்டர் டீசல் எஞ்சின் 148 bhp மற்றும் 343 Nm டார்க் வெளிப்படுத்தும் மாடல் 5 வேக மேனுவல் மற்றும் 6 வேக ஆட்டோமேட்டிக் கியர்பாக்ஸ் பெறுகின்றது.

பல்வேறு வர்த்தக ரீதியான பயன்பாடுகளுக்கு ஏற்ற வகையில் 5,300 mm நீளத்துடன் 3,085 mm லாங் வீல்பேஸ் மற்றும் ஷாட் வீல்பேஸ் 4,970 mm நீளத்துடன் 2,750 mm வீல்பேஸ் என இருவிதமாக உள்ள சேம்ப் மாடல் தயாரிக்கப்பட உள்ளது.

தாய்லாந்தில் டொயோட்டா ஹைலக்ஸ் சேம்ப் டிரக் விலை 459,000 முதல் 577,000 பாட் வரை (ரூ 10.90 லட்சம் முதல் ரூ 13.70 லட்சம் வரை) நிர்ணயம் செய்யப்பட்டுள்ளது. இந்திய சந்தையில் ஹைலக்ஸ் சேம்ப் அறிமுகம் செய்யப்படுமா என்பது குறித்து எந்த உறுதியான தகவலும் தற்பொழுது இல்லை.