ஆடம்பர பிரியர்களுக்கான எம்பிவி காராக டொயோட்டா வெல்ஃபயர் ரூ. லட்சம் விலையில் இந்தியாவில் விற்பனைக்கு வெளியிடப்பட்டுள்ளது. பிரீமியம் வசதிகளை பெற்ற இந்த காருக்கு பெட்ரோல் ஹைபிரிட் என்ஜின் கொடுக்கப்பட்டுள்ள நிலையில் முதல் மூன்று மாதங்களுக்கான இந்திய விற்பனையை நிறைவு பெற்றுள்ளது.
முதல் மூன்று மாதங்களில் விற்பனை செய்யப்பட உள்ள 180 யூனிட்டுகளுக்கு முன்பதிவு நிறைவுள்ளது. 180 முன்பதிவுகளில் 20 சதவீதம் ஹைத்திராபாத் நகரத்தில் உள்ளவர்களால் மேற்கொள்ளப்பட்டுள்ளது.
பெட்ரோல்-ஹைப்ரிட் பவர் டிரெய்னுடன் வந்துள்ள வெல்ஃபயரில் 2.5 லிட்டர் என்ஜின் அதிகபட்சமாக 117 ஹெச்பி பவர் மற்றும் 198 என்எம் டார்க் வெளிப்படுத்துகின்றது. ஆல் வீல் டிரைவ் வசதியுடன் சிவிடி கியர்பாக்ஸ் பெற்றதாக விளங்குகின்ற இந்த மாடலின் மைலேஜ் லிட்டருக்கு 16.5 கிமீ ஆகும்.
வெல்ஃபயரில் எல்இடி ஹெட்லைட், பகல் நேர ரன்னிங் விளகுகள், நேர்த்தியான முன் பம்பர் மற்றும் கிரில், பனி விளக்குகளுக்கான முக்கோண ஹவுசிங் போன்றவற்றை பெற்று கம்பீரமாக காட்சியளிக்கின்றது. இன்டிரியரில் கருப்பு நிற டேஸ்போர்டினை பெற்று நேர்த்தியான முறையில் சொகுசு தன்மைகளை பெற்ற 7 இருக்கைகள் வழங்கப்பட்டுள்ளது.
வெல்ஃபயர் காரில் 7.0 அங்குல தொடுதிரை இன்ஃபோடெயின்மென்ட் சிஸ்டம், பின்புற இருக்கை பயணிகளுக்கு 10.2 அங்குல திரை பெற்ற பொழுதுபோக்கு தொகுப்பு மற்றும் மற்றும் 360 டிகிரி சரவுண்ட்-வியூ கேமரா கொண்டுள்ளது.
இந்தியாவில் விற்பனைக்கு வந்துள்ள டொயோட்டா வெல்ஃபயர் விலை ரூ.79.50 லட்சம் (எக்ஸ்-ஷோரூம் இந்தியா -கேரளா தவிர) ஆகும்.