இந்தியா ஹூண்டாய் மோட்டார் நிறுவனத்தின் பிரபலமான கிரெட்டா எஸ்யூவி மாடலை ஜனவரி 16 ஆம் தேதி விற்பனைக்கு எதிர்பார்க்கப்படும் நிலையில் இறுதிகட்ட சாலை சோதனை ஓட்டத்தில் உள்ள படங்கள் இணையத்தில் வெளியாகியுள்ளது.
கிரெட்டா எஸ்யூவி காரில் தொடர்ந்து இரண்டு பெட்ரோல் மற்றும் ஒரு டீசல் என மூன்று என்ஜின் விருப்பங்களுடன் கிடைக்கும்.
புதிதாக வந்த சான்டா ஃபீ மற்றும் எக்ஸ்டர் போன்ற கார்களின் வடிவ மொழியை பின்பற்றி வரவுள்ள கிரெட்டா மாடலில் தற்பொழுது ரியர் எல்இடி லைட் பார், எல்இடி டெயில் லைட் H வடிவத்தை பெறுவது சோதனை ஓட்ட படங்கள் மூலம் தெளிவாகியுள்ளது.
புதுப்பிக்கப்பட்ட எல்இடி ஹெடலைட், பம்பர் ஆகியவற்றை பெற உள்ள இந்த மாடலில் புதிய அலாய் வீல் உள்ளது.
இன்டிரியரில் புதுப்பிக்கப்பட்ட நிறத்தை பெற உள்ள டேஸ்போர்டில் சிறிய அளவிலான ஸ்டைலிங் மாற்றங்கள் மற்றும் பல்வேறு கனெக்ட்டிவிட்டி வசதிகளை பெறக்கூடும். இரண்டு பிரிவு திரை அமைப்பினை பெற்ற தொடுதிரை இன்ஃபோடெயின்மென்ட் சிஸ்டத்தில் ஆப்பிள் கார் பிளே மற்றும் ஆண்ட்ராய்டு ஆட்டோ உள்ளிட்ட வசதிகளுடன் வயர்லெஸ் சார்ஜிங், ஆட்டோமேட்டிக் ஏசி கண்ட்ரோல் ஆகியவற்றை பெற உள்ளது.
வாகனத்தின் ஸ்டெபிளிட்டி கண்டரோல், எலக்ட்ரானிக் ஸ்டெபிளிட்டி கண்ட்ரோல், ஹில் அசிஸ்ட் கண்ட்ரோல் ஆகியவற்றுடன் 6 ஏர்பேக்குகள், 360 டிகிரி கேமரா வியூ, பிரீமியம் ஆடியோ சிஸ்டம் பெற உள்ள ஹூண்டாய் கிரெட்டா எஸ்யூவி காரில் ADAS பாதுகாப்பு தொகுப்பினை பெறுவது உறுதியாகியுள்ளது.
115 hp பவர், 143.8 Nm டார்க் வழங்குகின்ற 1.5 லிட்டர் பெட்ரோல் என்ஜின், அடுத்த என்ஜின் 116 hp பவர் மற்றும் 250 Nm டார்க் வழங்கும் 1.5 லிட்டர் டீசல் என்ஜிடன் பொருத்தப்பட்டுள்ளது. இந்த இரு என்ஜினிலும் ஆட்டோமேட்டிக் மற்றும் மேனுவல் கியர்பாக்ஸ் கிடைக்க உள்ளது.
கூடுதலாக, 1.5 லிட்டர் GDI டர்போ பெட்ரோல் என்ஜின் அதிகபட்சமாக குதிரைத்திறன் 160 bhp மற்றும் 253 Nm டார்க் வெளிப்படுத்தும். இதில் 6 வேக மேனுவல் மற்றும் 7 வேக DCT ஆட்டோ கியர்பாக்ஸ் இடம்பெற்றிருக்கும்.
