இந்தியாவில் விற்பனைக்க வெளியிடப்படுள்ள புதிய ஃபோக்ஸ்வாகன் டி-ராக் எஸ்யூவி அறிமுக விலை ரூ.19.99 லட்சம் என அறிவிக்கப்பட்டுள்ளது. முழுதும் வடிவமைக்கப்பட்ட மாடலாக சி.பி.யூ முறையில் இறக்குமதி செய்யப்பட உள்ளது.
டி-ராக் 1.5 லிட்டர் நான்கு சிலிண்டர், டர்போ பெட்ரோல் என்ஜின் பொருத்தப்பட்டிருக்கும். இந்த மாடல் அதிகபட்சமாக 150 ஹெச்பி பவர் மற்றும் 250 என்எம் டார்க் வழங்குவதுடன் சக்கரங்களுக்கு பவரை எடுத்துச் செல்ல 7 வேக டூயல் கிளட்ச் ஆட்டோமேட்டிக் டிரான்ஸ்மிஷனுடன் வெளியாகியுள்ளது.
எல்இடி ஹெட்லேம்ப் மற்றும் டெயில் விளக்குகள், டூயல் டோன் அலாய் வீல், முன் மற்றும் பின்புற பார்க்கிங் சென்சார்கள் போன்றவற்றை பெற்றிருப்பதுடன் MQB பிளாட்ஃபாரத்தில் வடிவமைக்கப்பட்ட இந்நிறுவனத்தின் டிகுவான் எஸ்யூவி காருக்கு கீழாக விற்பனை செய்யப்பட உள்ளது.
இன்டிரியரை பொறுத்தவரை, டிஜிட்டல் இன்ஸ்ட்ரூமென்ட் கிளஸ்ட்டர், இரு விதமான ஏசி கட்டுப்பாடு, 8.0 அங்குல தொடுதிரை இன்ஃபோடெயின்மென்ட் சிஸ்டம், பனோரமிக் சன்ரூஃப் மற்றும் ‘வியன்னா’ லெதர் இருக்கைகள் வழங்கப்பட்டிருக்கும்.
பாதுகாப்பு சார்பான அம்சங்களில் ஆறு ஏர்பேக், ஏபிஎஸ் உடன் இபிடி, இஎஸ்சி, டயர் பிரஷர் கண்காணிப்பு அமைப்பு மற்றும் பார்க்கிங் கேமரா ஆகியவை பெற்றிருக்கின்றது.
இந்திய சந்தையில் விற்பனை செய்யப்படுகின்ற கியா செல்டோஸ், புதிய ஹூண்டாய் கிரெட்டா, எம்ஜி ஹெக்டர், டாடா ஹாரியர், நிசான் கிக்ஸ் மற்றும் ரெனால்ட் கேப்டூர் ஆகியவற்றை ஃபோக்ஸ்வாகன் டி-ராக் எதிர்கொள்ள உள்ளது.