கடந்த ஜூன் மாத நிலவரப்படி இந்திய மோட்டார் சந்தையில் விற்பனையான டாப் 10 பைக்குகள் பற்றி முக்கிய விபரங்களை தொடர்ந்து காணலாம். ஹீரோ ஸ்பிளெண்ட் இந்தியாவின் முதன்மையான பைக் மாடலாக விளங்குகின்றது.
கடந்த நவம்பர் 2018 முதல் பல்வேறு முன்னணி மோட்டார் வாகன தயாரிப்பாளர்கள் கடுமையான வீழ்ச்சியை கண்டு வருகின்றது. நாட்டின் முதன்மையான ஹீரோ மோட்டோகார்ப் முதல் பிரீமியம் ரக ராயல் என்ஃபீல்டு மோட்டார்சைக்கிள் வரை, ஆனால் சுசுகி மோட்டார்சைக்கிள் நிறுவனம் மட்டும் தொடர்ந்து சீரான வளர்ச்சியை பதிவு செய்து வருகின்றது.
ஹீரோ நிறுவனத்தின் பிரபலமான ஸ்பிளெண்டர் பைக் விற்பனை எண்ணிக்கை 2,42,743 ஆக ஜூன் மாதம் பதிவு செய்துள்ளது. முந்தைய ஆண்டு ஜூன் மாதம் 2,78,169 ஆக பதிவு செய்திருந்தது.
மிகப்பெரிய சரிவினை ஹோண்டா நிறுவனத்தின் ஆக்டிவா ஸ்கூட்டர் பதிவு செய்துள்ளது. முன்பாக ஜூன் 2018-ல் 2,92,294 ஆக இருந்த எண்ணிக்கை, தற்போது 2,36,739 ஆக சரிந்துள்ளது.
125சிசி சந்தையில் தொடர்ந்து ஹோண்டா சிபி ஷைன் முதலிடத்திலும், அதனை தொடர்ந்து ஹீரோ கிளாமர் பைக்கும் உள்ளது.
விற்பனையில் டாப் 10 டூ வீலர்கள் – ஜூன் 2019
| வ.எண் | தயாரிப்பாளர் | ஜூன் 2019 |
| 1. | ஹீரோ ஸ்பிளென்டர் | 2,42,743 |
| 2. | ஹோண்டா ஆக்டிவா | 2,36,739 |
| 3. | ஹீரோ HF டீலக்ஸ் | 1,93,194 |
| 4. | ஹோண்டா சிபி ஷைன் | 84,871 |
| 5. | பஜாஜ் பல்ஸர் | 83,008 |
| 6. | ஹீரோ கிளாமர் | 69,878 |
| 7. | பஜாஜ் பிளாட்டினா | 56,947 |
| 8. | டிவிஎஸ் ஜூபிடர் | 56,254 |
| 9. | ஹீரோ பேஸன் | 56,143 |
| 10. | டிவிஎஸ் XL சூப்பர் | 52,253 |
