பண்டிகை காலத்தை முன்னிட்டு ராயல் என்ஃபீல்டு மோட்டார்சைக்கிள் விற்பனை நவம்பர் 2023ல் 13 சதவிகிதம் உயர்ந்து 80,251 வாகனங்களை விற்பனை செய்துள்ளது. கடந்த ஆண்டு இதே காலகட்டத்தில் 70,766 பைக்குகளை விற்பனை செய்திருந்தது.
Royal Enfield sales report November 2023
ராயல் என்ஃபீல்டு மோட்டார்சைக்கிள் விற்பனை உள்நாட்டில் 75,137 ஆக பதிவு செய்துள்ளது. இது முந்தைய ஆண்டின் 65,760 யூனிட்களிலிருந்து 14 சதவீத அதிகரித்துள்ளது.
கடந்த ஆண்டு நவம்பரில் 5,006 யூனிட்கள் ஏற்றுமதி செய்யப்பட்டிருந்த நிலையில், ஏற்றுமதி 2 சதவீதம் அதிகரித்து 5,114 ஆக அதிகரித்துள்ளது.
ராயல் என்ஃபீல்டு நிறுவனம் புதிய ஹிமாலயன் 450, ஷாட்கன் 650 என இரு பைக்குகளை விற்பனைக்கு கொண்டு வந்துள்ளது. மேலும் ஹிமாலயன் எலக்ட்ரிக் டெஸ்ட்பெட் மாடலை காட்சிப்படுத்தியது.
2024 ஆம் ஆண்டின் துவக்க மாதங்களில் புதிய ஷாட்கன் 650 பைக் பொதுவான சந்தைக்கு விற்பனைக்கு வெளியிடப்பட வாய்ப்புகள் உள்ளது.
