ஆல்டோ காருக்கு போட்டியாக நானோ தளத்தில் டாடா அதிரடி

நானோ கார் எதிர்பார்த்த விற்பனையை எட்டாத நிலையில் நானோ காரின் தளத்தில் மாருதி ஆல்டோ காரருக்கு போட்டியாக புதிய சிறிய கார் டாடா மோட்டார்ஸ் உருவாக்கி வருகின்றது.

நானோ காரின் தளத்தில் நானோ காரை விட மாறுபட்ட புதிய சிறிய ரக காரினை பெலிக்கன் என்ற பெயரில் வடிவமைத்து வருகின்றதாம். இந்த கார் ஆல்டோ மற்றும் இயான் கார்களுக்கு நேரடியான சவாலாக விளங்கும் என எதிர்பார்க்கப்படுகின்றது.

நானோ கார்

1.0 லிட்டர் பெட்ரோல் மற்றும் 800சிசி டீசல் என இரண்டிலும் சிறிய ரக காரினை வடிவமைக்க உள்ளது. நானோ காரை விட கூடுதலான விலையில் இருக்கும் இந்த காரினை மாதம் 2500 கார்கள் விற்பனை இலக்காக வைத்துள்ளது.

குஜராத்தில் உள்ள சனந்த் ஆலையில் இந்த புதிய காரினை தயாரிக்க உள்ளனர். ஆண்டுக்கு 2.5 லட்சம் கார்களை தயாரிக்க கூடிய ஆலையில் மிக குறைவான அளவிலே நானோ கார்கள் தயாரிக்கப்படுகின்றன.