புதிய ஹோண்டா சிபி ஹார்னெட் 160ஆர் பைக் ரூ.89,872 சென்னை ஆன்ரோடு விலையில் அறிமுகம் செய்யப்பட்டுள்ளது. ஹோண்டா சிபி ஹார்னெட் 160ஆர் பைக்கின் சிறப்புகள் என்ன ? ஹார்னெட் 160ஆர் பைக்கினை வாங்கலாமா ? என்பதனை தெரிந்துகொள்ளுவோம்.
சிபி யூனிகார்ன் 160 பைக்கிற்கு மேலாக நிலை நிறுத்தப்பட்டுள்ள சிபி ஹார்னெட் 160ஆர் பைக்கில் என்ஜின் முதல் பெரும்பாலான பாகங்கள் சிபி யூனிகார்ன் 160 பைக்கில் இருந்தே பெறப்பட்டுள்ளது. ஸ்போர்ட்டிவ் பைக் தோற்றத்தில் விளங்கும் ஹார்னெட் பைக் ஆற்றல் 15.7 பிஹெச்பி ஆற்றலை வழங்குகின்றது.
ஹோண்டா சிபி ஹார்னெட் 160ஆர்
மிக சிறப்பான ஸ்போர்ட்டிவ் தோற்றத்துடன் விளங்கும் ஹோண்டா சிபி ஹார்னெட் 160ஆர் பைக்கின் முகப்பு விளக்கு கூர்மையாகவும் ஸ்டைலிசாகவும் உள்ளது. இதன் பக்கவாட்டில் சிறப்பாக அமைய பெற்றுள்ள டேங்க் ஃபிளேங் மற்றும் மல்டி ஸ்போக் அலாய் வீல் பின்புறத்தில் X வடிவ டெயில் எல்இடி விளக்கினை பெற்றுள்ளது. ஆரஞ்ச் , வெள்ளை , நீலம் , சிவப்பு மற்றும் கருப்பு என 5 விதமான வண்ணங்களில் கிடைக்கின்றது.
என்ஜின்
சிபி யூனிகார்ன் 160 பைக்கில் பொருத்தப்பட்டிருந்த அதே என்ஜினை சிபி ஹார்னெட் 160ஆர் பைக் பெற்றிருந்தாலும் ஆற்றல் 15.7 பிஹெச்பி வெளிப்படுத்துகின்றது. இதன் டார்க் 14.76 என்எம் ஆகும். இதில் 5 வேக கியர்பாக்ஸ் உள்ளது. சிபி ஹார்னெட் 160ஆர் பைக்கின் மைலேஜ் லிட்டருக்கு 58.95 கிமீ ஆகும்.
CB Hornet 160R Specifications
| என்ஜின் | 162.71 சிசி |
| ஆற்றல் | 15.7 பிஹெச்பி @ 8500 rpm |
| டார்க் | 14.76 என்எம் @ 6500 rpm |
| கியர்பாக்ஸ் | 5 வேகம் – 1-N-2-3-4-5 |
| மைலேஜ் | 58.95 Kmpl (ARAI) |
| டாப் ஸ்பீடு | 110கிமீ |
| நீxஅxஉ | 2041X783X1067 மிமீ |
| டேங்க் | 12 லிட்டர் |
| வீல்பேஸ் | 1345மிமீ |
| கிரவுண்ட் கிளியரன்ஸ் | 164மிமீ |
| முன் டயர் | 100/80-17 |
| பின் டயர் | 140/70-17 |
| முன் பிரேக் | டிஸ்க் 276மிமீ |
| பின் பிரேக் | டிரம் 130 மிமீ / டிஸ்க் 220மிமீ |
| முன் சஸ்பென்ஷன் | டெலிஸ்கோபிக் |
| பின் சஸ்பென்ஷன் | மோனோசாக் |
பிரேக்
முன்புறத்தில் 276மிமீ டிஸ்க் பிரேக்கும் பின்புறத்தில் டிரம் 130மிமீ பிரேக் மற்றும் 220மிமீ டிஸ்க் என இரண்டு ஆப்ஷனில் கிடைக்கின்றது. இவற்றில் டிஸ்க் பிரேக் ஆப்ஷனில் சிபிஎஸ் எனப்படும் கம்பைன்டு பிரேக்கிங் சிஸ்டத்தினை பெற்றுள்ளது. இதன் மூலம் சிறப்பான பிரேக்கிங் திறனை வெளிப்படுத்தும்.
சஸ்பென்ஷன்
முன்புறத்தில் டெலிஸ்கோபிக் ஃபோர்க்குள் மற்றும் பின்புறத்தில் மோனோசாக் அப்சார்பரை பெற்றுள்ளது.
போட்டியாளர்கள்
ஜிக்ஸெர் , பல்சர் 150 , ஹங்க் , யமஹா FZ போன்ற மாடல்களுடன் போட்டியை ஹோண்டா சிபி ஹார்னெட் 160ஆர் பைக் எதிர்கொள்ளுகின்றது.
ஹோண்டா சிபி ஹார்னெட் 160R பைக் விலை
ஹோண்டா சிபி ஹார்னெட் 160R டிரம் – ரூ.89,872
ஹோண்டா சிபி ஹார்னெட் 160R டிஸ்க் சிபிஎஸ் – ரூ.94,785
{அனைத்தும் சென்னை ஆன்ரோடு விலை விபரம் }
ஹோண்டா சிபி ஹார்னெட் 160R பைக் வாங்கலாமா ?
ஹோண்டா சிபி ஹார்னெட் 160R பைக் தனது போட்டியார்களை விட சிறப்பான ஆற்றலை வெளிப்படுத்தக்கூடிய பைக்காக விளங்குகின்றது. டிரம் பிரேக் மாடலை விட டிஸ்க் மற்றும் சிபிஎஸ் ஆப்ஷன் ரூ.5000 வரை கூடுதலாக உள்ளது. மேலும் 160சிசி பிரிவில் சிறந்து விளங்கும் ஜிக்ஸெர் பைக்கை விட ரூ.5,000 வரை விலை அதிகமாக உள்ளது. யமஹா FZ-S பைக்கிற்கு இனையான விலையில் தான் உள்ளது. விலையை தவிர ஆற்றல் ஹோண்டாவின் தரம் போன்றவை சிபி ஹார்னெட் 160R பைக்கின் பலமாக விளங்கும்.
[envira-gallery id=”4234″]
Honda CB Hornet 160R bike spec details and Chennai onroad price
