ஆட்டோ எக்ஸ்போ 2020 கண்காட்சியில் அறிமுகம் செய்யப்பட்டுள்ள புதிய ரெனோ ஸோயி EV காரின் அறிமுகம் குறித்தான எந்த தகவலும் தற்போதைக்கு வெளியிடப்படவில்லை. க்விட் எலெக்ட்ரிக் மற்றும் ஸோயி இவி காரையும் அடுத்த ஆண்டின் மத்தியில் எதிர்பார்க்கலாம்.
நமது நாட்டின் சூழ்நிலைக்கு ஏற்ப மாற்றி வடிவமைக்கப்பட உள்ள இந்த எலெக்ட்ரிக் காரில் 90 ஹெச்பி பவரை வழங்கும் எலெக்ட்ரிக் மோட்டார் பயன்படுத்தப்பட்டு 41kWh பேட்டரி கொண்டு இயக்கப்படலாம். ஒர முறை சார்ஜ் செய்தால் அதிகபட்சமாக 300-350 கிமீ ரேஞ்சை வெளிப்படுத்தலாம் என எதிர்பார்க்கபடுகின்றது. குறிப்பாக இந்நிறுவனம் சர்வதேச அளவில் ஸோயி உட்பட பல்வேறு எலக்ட்ரிக் வாகனங்களை விற்பனை செய்து வருகின்றது.
ஹேட்ச்பேக் ரக காரான ரெனால்ட் ஸோயி EV விலை ரூ. 15 லட்சத்தில் தொடங்கலாம். 2020 ஆட்டோ எக்ஸ்போ அரங்கில் ரெனால்ட் நிறுவனம் 4 மீட்டருக்கு குறைந்த நீளம் பெற்ற எஸ்யூவி கான்செப்ட்டை வெளியிட உள்ளது. இதுதவிர, ட்ரைபர் ஏஎம்டி மற்றும் ட்ரைபர் டர்போ பெட்ரோல் வேரியண்டுகளை வெளிப்படுத்த உள்ளது.