உற்பத்திக்கு செல்ல உள்ள ஹார்லி டேவிட்சன் 350 விபரம்

0

Harley Davidson 338cc bike

ஹார்லி டேவிட்சன் மோட்டார்சைக்கிள் நிறுவனம், தனது குறைந்த விலை மாடலாக ஹெச்டி350 என்ற பெயரில் தயாரிக்க உள்ள மாடலை முதற்கட்டமாக சீனாவில் 2020 ஆம் ஆண்டின் இறுதியிலும், இந்தியாவில் 2021-யின் தொடக்கத்திலும் விற்பனைக்கு வெளியிட திட்டமிட்டுள்ளது.

கடந்த சில ஆண்டுகளாக மிகப்பெரிய அளவில் விற்பனை சரிவினை சந்தித்து வரும் அமெரிக்காவைச் சேர்ந்த ஹார்லி நிறுவனம் தனது சந்தையை வலுப்படுவதற்கு என குறைந்த இடப்பெயர்வினை கொண்ட பைக் மாடலை ஆசியாவில் விற்பனைக்கு வெளியிட முடிவெடுத்துள்ளது.

சீனாவில் முதற்கட்டமாக விற்பனைக்கு 2020 ஆம் ஆண்டின் இறுதி மாதங்களில் வெளியிடப்பட உள்ள 338சிசி என்ஜின் பெற்ற மோட்டார்சைக்கிள் மாடல் ஹார்லியின் பிரீமியம் தோற்றத்தை வெளிப்படுத்தும் வகையில் அமைந்திருக்கும். குறிப்பாக இந்த மோட்டார்சைக்கிளை கியான்ஜியாங் நிறுவனம் தயாரித்து விற்பனை செய்ய உள்ளது. எனவே விலை மிகவும் சவாலாக அமைந்திருக்கும்.

ஹார்லி 338சிசி என்ஜின் மாடல் தொடர்பாக வெளியிட்டுள்ள மாதிரி படத்தில் மிகவும் ஸ்டைலிஷான வட்ட வடிவ எல்இடி விளக்குகள், என்ஜின் தொடர்பில் ஒரு சிலிண்டர் கொண்டதாகவும், இரண்டு புகைப்போக்கி மற்றும் குறைவான பாடி வெர்க் கொண்டதாக விளங்கலாம்.

சீனாவின் கியான்ஜியாங் கீழ் செயல்படுகின்ற இத்தாலியின் பெனெல்லி நிறுவனத்தின் 302எஸ் மாடலின் என்ஜினை ஹார்லி மாற்றியமைத்து பயன்படுத்திக் கொள்ள வாய்ப்புள்ளது.

Source: Bennetts.co.uk