ராயல் என்ஃபீல்ட் ஹிமாலயன் ஸ்லீட் நிறத்தில் கிடைக்கும்

டீலர்கள் வாயிலாக ராயல் என்ஃபீல்ட் ஹிமாலயன் பைக் அட்வென்ச்சர் ரக மாடலின் புதிய நிறமான ஸ்லீட் விற்பனைக்கு கிடைக்க தொடங்கியுள்ளது. ஸ்னோ மற்றும் கிராபைட் ஆகிய இரு நிறங்களை விட ரூ.3600 வரை கூடுதலான விலையில் விற்பனைக்கு வெளியிடப்பட்டுள்ளது.

ஹிமாலயன் ஸ்லீட்

முதன்முறையாக ஸ்லீட் மாடல் புதிய எக்ஸ்புளோரர் கிட் பெற்று சாதாரன மாடலை விட ரூ.28,000 வரை கூடுதலான விலையில் அறிமுகம் செய்யப்பட்டுள்ள என்ஃபீல்டு ஸ்லீட் https://royalenfield.com இணையதளத்தில் மட்டும் பிரத்தியேகமாக ஜனவரி 12, 2018 முதல் ரூ.5000 கொண்டு முன்பதிவு தொடங்கப்பட்டு 500 பைக்குகள் மட்டுமே இந்தியா முழுவதும் விற்பனை செய்யப்பட உள்ளதாக அறிவிக்கப்பட்டிருந்தது.

பனி படர்ந்திருகும் முகடுகளை போன்ற அமைப்பினை வெளிப்படுத்தும் ஸ்லீட் நிறத்தை தவிர வேறு எவ்விதமான மாற்றங்களும் வழங்கப்படாமல் அமைந்துள்ள இந்த மாடல் , ஃப்யூவல் இன்ஜெக்‌ஷனுடன் பெற்ற 24.5 பிஹெச்பி ஆற்றலை வெளிப்படுத்தும் 411 சிசி லாங்க் ஸ்டோர்க் எஞ்சின் 32 என்எம் டார்க் வழங்கும் வகையில் வடிவமைக்கப்பட்டுள்ளது. இதில் 5 வேக மேனுவல் கியர்பாக்ஸ் இடம்பெற்றுள்ளது.

ஆன்லைனில் விற்பனை செய்யப்பட்ட போது நிரந்தர அம்சமாக வழங்கப்பட்ட எக்ஸ்புளோரர் கிட் , தற்போது ஆப்ஷனலாக மட்டும் வழங்கப்படுகின்றது. இந்த கிட் விலை ரூ.31,900 ஆகும்.  கூடுதலாக வழங்கப்பட்டுள்ள ஸ்லீட் எக்ஸ்புளோரர் கிட்டில் உள்ள அம்சங்களை தொடர்ந்து காணலாம்.

1 . 26 லிட்டர் கொள்ளளவு கொண்ட அலுமினியம் பெட்டிகள்

2. பெட்டிகளுடன் கூடிய ரெயில்கள்

3. ஆஃப் ரோடுஸ்டைல் பெற்ற அலுமினியம் ஹெண்டில் பாருடன் கூடிய கிராஸ் ப்ரோஸ் உடன் பார் ஹேண்டில் வெயிட் இடம்பெற்றுள்ளது.

4. எஞ்சின் கார்டில் பவுடர் கோட்டிங் பூச்சு

5. ஸ்லீட் எடிசனுக்கு 2 வருட வாரண்டி வழங்கப்பட்டுள்ளது

ராயல் என்ஃபீல்டு ஹிமாலயன் ஸ்லீட் பைக் விலை ரூ. 2,12,666 (ஆன்-ரோடு சென்னை)

Recommended For You