ஸ்கோடா ஆட்டோ ஃபோக்ஸ்வேகன் இந்தியா (SAVWIPL) நிறுவனத்தின் சார்பாக மாணவர்கள் வடிவமைத்துள்ள டைகன் பிக்கப் டிரக் கான்செப்ட் மாடல் புராஜெக்ட் ஆனது இந்திய அரசின் திறன் மேம்பாட்டு பயிற்சி திட்டத்தின் அங்கமாக தயாரிக்கப்பட்டுள்ளது.
இந்த ஆண்டு, வோக்ஸ்வாகன் டைகன் எஸ்யூவி மற்றும் ஃபோக்ஸ்வேகன் விர்டஸ் செடான் ஆகியவற்றை இணைத்து, மெகாட்ரானிக்ஸ் மாணவர்கள் புதுமையான பிக்கப் டிரக்கை உருவாக்கியுள்ளனர். கார் கான்செப்ட் இறுதியாக்கம் முதல் யோசனைகள் சேகரிப்பு, சந்தை பகுப்பாய்வு, ஆராய்ச்சி மற்றும் மேம்பாடு, கொள்முதல், பேக்கிங் மற்றும் இறுதி கார் சோதனை என ஒன்பது மாத காலத்திற்குள் பல்வேறு கட்டங்களில் இந்த திட்டம் முழுமையாக உருவாக்கப்பட்டுள்ளது.
மாணவர்கள் பல்வேறு பாகங்கள் வடிவமைத்துள்ள நிலையில், சில பாகங்களை 3டி முறையில் அச்சிட்டுள்ளனர், வடிவமைப்பு சவால்களைத் தீர்க்க அதிநவீன உற்பத்தி நுட்பங்களைப் பயன்படுத்துவதற்கான திறனை வெளிப்படுத்தினர். பிக்கப் டிரக்கின் அண்டர்பாடி பாதுகாப்பு, டயர்கள், சுற்றுப்புற விளக்குகள் மற்றும் சிறப்பு கூரையில் பொருத்தப்பட்ட விளக்குகள் போன்ற சிறப்பு உபகரணங்களுடன், முரட்டுத்தனமான பிக்கப் டிரக் வடிவமைப்பை நிறைவு செய்தனர்.
திட்டம் முழுவதும், மாணவர்கள் SAVWIPL நிறுவன திறமையான நிபுணர்களால் வழிகாட்டப்பட்டனர். வழிகாட்டிகள் மாணவர்களுக்கு சப்ளையர்கள் மற்றும் தொழில்துறை நிபுணர்களுடன் ஒத்துழைப்பில் உருவானது.
SAVWIPL அகாடமியின் இரட்டை தொழிற்பயிற்சி மெகாட்ரானிக்ஸில் 2011ல் தொடங்கப்பட்ட முதன்மைத் திட்டமாகும், மேலும் இது உயர்நிலைப் பள்ளி மாணவர்களை மேம்படுத்துவதில் முக்கிய பங்கு வகிக்கிறது. இந்த முழுநேர 3.5 ஆண்டு படிப்பு, ஜெர்மனியின் தொழிற்கல்வி முறையைப் பின்பற்றி, ஆட்டோமொபைல் துறையில் இளம் திறமைகளை உருவாக்கி தயார்படுத்தும் வகையில் வடிவமைக்கப்பட்டுள்ளது.
இந்த திட்டம் தொழில்நுட்ப படைப்பாற்றல், நம்பிக்கையை ஊக்குவிக்கிறது மற்றும் புதுமையான தொழில்நுட்பங்களை உருவாக்குவதற்கான சிக்கலைத் தீர்க்கும் மனநிலையை ஊக்குவிக்கிறது. இந்தத் திட்டம் மாணவர்களுக்கு ஆராய்வதற்கான சுதந்திரத்தை அளிக்கிறது மற்றும் வாகனத் தொழில், எதிர்காலப் போக்குகள் மற்றும் ஃபோக்ஸ்வேகன் குழுமத்தின் தரநிலைகள் பற்றிய மதிப்புமிக்க நுண்ணறிவுகளை வழங்குகிறது.
