மீண்டும் புதிய ரெனோ டஸ்ட்டர் மாடலை அடிப்படையாக கொண்ட டஸ்ட்டர் அட்வென்ச்சர் எடிசன் விற்பனைக்கு ரூ.9.64 லட்சம் விலையில் அறிமுகம் செய்யப்பட்டுள்ளது. அட்வென்ச்சர் டஸ்ட்டர் எஸ்யூவி தோற்ற அமைப்பில் மிகுந்த ஆக்ரோஷமாக விளங்குகின்றது.
முந்தைய மாடலை அடிப்படையாக கொண்ட அட்வென்ச்சர் டஸ்ட்டர் 2014ல் வெளிவந்தது. அதனை தொடர்ந்து மேம்பட்ட டஸ்ட்டர் கடந்த சில மாதங்களுக்கு முன்னதாக வெளிவந்ததை அடிப்படையாக கொண்ட மாடலாக பண்டிகை காலத்தை ஒட்டி வெளியாகியுள்ளது. 85 PS மற்றும் 110 PS என இருவிதமான ஆற்றலை வெளிப்படுத்தும் 1.5 லிட்டர் டிசிஐ டீசல் என்ஜின் ஆப்ஷனிலும் கிடைக்க உள்ளது.
எந்த விதமான மெக்கானிக்கல் மாற்றங்களும் இல்லாமல் தோற்றத்தில் ஆக்ரோஷமான பம்பர் , கருப்பு கிரில் , புல்பாருடன் கூடிய பனி விளக்குகள் , மஸ்டார்டு மஞ்சள் வண்ண மேற்கூறை ரெயில்கள் , ஸ்கிட் பிளேட் மற்றும் கன் மெட்டல் ஃபினிஷ் செய்யப்பட்ட அலாய் வீல் போன்றவற்றை பெற்றுள்ளது.
இன்டிரியரில் கருப்பு மற்றும் நீலம் கலந்த வண்ணத்தில் ஃபேபரிக் இருக்கைகள் , ஆரஞ்சு வண்ண ஏசி வென்ட் , இன்ஸ்டூருமென்ட் கன்சோலை பெற்றுள்ளது. 2WD ஆப்ஷனில் மட்டுமே சிறப்பு பதிப்பு கிடைக்க உள்ளது.
ரெனோ டஸ்ட்டர் அட்வென்ச்சர் எடிசன் விலை
- ரெனோ டஸ்ட்டர் அட்வென்ச்சர் எடிசன் 85 PS RXE –ரூ. 9.64 லட்சம்
- ரெனோ டஸ்ட்டர் அட்வென்ச்சர் எடிசன் 85 PS RXL – ரூ.. 10.45 லட்சம்
- ரெனோ டஸ்ட்டர் அட்வென்ச்சர் எடிசன் 110 PS RXZ –ரூ.. 13.77 லட்சம்
எக்ஸ்-ஷோரூம் டெல்லி
