மேம்படுத்தப்பட்ட 2017 நிசான் ஜிடி ஆர் ஸ்போர்ட்டிவ் கார் நியூயார்க் ஆட்டோ ஷோ 2016யில் அறிமுகம் செய்யப்பட்டுள்ளது. காட்ஸில்லா காரின் ஆற்றல் , தோற்றம் மற்றும் உட்புறம் போன்றவை புதுப்பிக்கப்பட்டுள்ளது.
2017 நிசான் ஜிடி ஆர் என்கின்ற காட்ஸில்லா காரில் முகப்பு பம்பர் , கிரில் முகப்பு விளக்கு , ஏர் வெண்ட் மற்றும் பானெட் போன்றவை புதுப்பிக்கப்பட்டுள்ளது. பக்கவாட்டில் நேர்த்தியான புதிய வடிவ அலாய் வீல் பொருத்தப்பட்டுள்ளது. பின்புறத்தில் பம்பர் மேம்படுத்தப்பட்டுள்ளது.
உட்புறத்தில் நேர்த்தியான புதிய டேஸ்போர்டினை கொண்டுள்ளது. பல வசதிகளை கொண்ட ஸ்டீயரிங் வீல் , புதிய 8.0 இஞ்ச் தொடுதிரை அமைப்பினை கொண்ட இன்ஃபோடெயின்மென்ட் சிஸ்டம் போன்றவற்றை பெற்றுள்ளது.
முந்தைய 3.8 லிட்டர் வி6 ட்வீன் டர்போ பெட்ரோல் என்ஜின் 542 bhp ஆற்றலை வெளிப்படுத்தியது. மேம்படுத்தப்பட்ட புதிய 3.8 லிட்டர் வி6 ட்வீன் டர்போ பெட்ரோல் என்ஜின் 562.2 bhp ஆற்றலை வெளிப்படுத்தும் வகையில் மேம்படுத்தப்பட்டுள்ளது. புதுப்பிக்கப்பட்ட 6 வேக டியூவல் கிளட்ச் கியர்பாக்சினை பெற்றுள்ளது.
இந்த வருடத்தின் மத்தியில் உலகயளவில் விற்பனைக்கு வரவுள்ள 2017 நிசான் ஜிடி ஆர் இந்தியாவிலும் விற்பனைக்கு வரவுள்ளது.
[envira-gallery id=”7099″]
