இந்திய சந்தையில் விற்பனை செய்யப்படுகின்ற சுசூகி நிறுவனத்தின் 2024 ஆண்டிற்கான ஆக்செஸ் 125, அவெனிஸ் 125 மற்றும் பர்க்மேன் ஸ்டீரிட் 125 என மூன்று ஸ்கூட்டர்களின் என்ஜின், மைலேஜ், நிறங்கள் மற்றும் தமிழ்நாட்டின் ஆன்ரோடு விலை பட்டியலை அறிந்து கொள்ளலாம்.
சுசூகியின் 125சிசி ஸ்கூட்டர்களில் பொதுவாக 124cc ஏர் கூல்டு என்ஜின் அதிகபட்சமாக 6750 rpm-ல் 8.7 PS மற்றும் 5,500 rpm-ல் 10 Nm டார்க் வெளிப்படுத்துகின்றது. சிவிடி கியர்பாக்ஸ் கொண்டு சக்கரங்களுக்கு பவரை வழங்குகின்றது.
2024 Suzuki Access 125
125cc சந்தையில் ஆக்செஸ் 125 மாடல் மிக சிறப்பான வரவேற்பினை பெற்று இந்நிறுவனத்தின் விற்பனையில் சராசரியாக 65-70 % பங்களிப்பை வழங்கி வரும் நிலையில் மற்ற போட்டியாளர்களான ஜூபிடர் 125, ஆக்டிவா 125, ஃபேசினோ மற்றும் டெஸ்டினி 125 ஆகியவற்றை எதிர்கொள்ளுகின்றது.
ஸ்டாண்டர்டு, ஸ்பெஷல் எடிசன் மற்றும் ரைட் கனெக்ட் எடிசன் என மூன்று விதமாக கிடைக்கின்ற ஆக்செஸ் 125 ஸ்கூட்டரில் டிரம் மற்றும் டிஸ்க் பிரேக் ஆப்ஷனை பெற்று எல்இடி ஹெட்லேம், டிஜிட்டல் கிளஸ்ட்டரில் பல்வேறு கனெக்டிவ் மூலம் டர்ன் பை டர்ன் நேவிகேஷன், மொபைல் சார்ந்த பேட்டரி இருப்பு, எஸ்எம்எஸ் அலர்ட், அழைப்புகள் ஏற்க அல்லது நிராகரிக்கும் வசதி உள்ளிட்ட அம்சங்களை ரைட் கனெக்ட் வேரியண்டுகளில் மட்டும் வழங்குகின்றது.
மிக அகலமான இருக்கை, ரெட்ரோ ஸ்டைல், லிட்டருக்கு 48 கிமீ மிக சிறப்பான மைலேஜ் வெளிப்படுத்துகின்ற என்ஜினை கொண்டுள்ள மாடலின் எக்ஸ்ஷோரூம் (தமிழ்நாடு) விலை 84,135 முதல் ரூ. 94,736 வரை கிடைக்கின்றது.
| Access 125CC | எக்ஸ்ஷோரூம் | ஆன்ரோடு |
| Access Drum | ₹ 84,135 | ₹ 1,02,563 |
| Access Disc | ₹ 89,235 | ₹ 1,08,431 |
| Access Special Edition | ₹ 91,037 | ₹ 1,10,932 |
| Access Ride Connect | ₹ 94,736 | ₹ 1,14,332 |
2024 Suzuki Avenis 125
ஸ்போர்ட்டிவ் ஸ்டைலில் உள்ள டிவிஎஸ் என்டார்க் 125, யமஹா ரே இசட்ஆர், ஹோணடா டியோ 125 உள்ளிட்ட மாடல்களை எதிர்கொள்ளும் வகையில் விற்பனை செய்யப்படுகின்ற 2024 சுசூகி அவெனிஸ் மாடலில் ரேஸ் எடிசன் மாடல் சிறப்பான பாடி கிராபிக்ஸ் கொண்டதாகவும் மற்றபடி ஸ்டாண்டர்டு மாடலும் கிடைக்கின்ற நிலையில் ரைட் கனெக்ட் உள்ளிட்ட வசதிகளுடன் கிடைக்கின்றது.
ரூ.96,236 விலையில் துவங்குகின்ற அவெனிஸ் ஸ்கூட்டரில் டிஸ்க் பிரேக் வேரியண்ட் மட்டுமே உள்ளது.
| Avenis | எக்ஸ்ஷோரூம் | ஆன்ரோடு |
| Avenis 125 | ₹ 96,236 | ₹ 1,15,543 |
| Avenis 125 Race | ₹ 97,035 | ₹ 1,16,876 |
2024 Suzuki Burgman Street
மேக்ஸி ஸ்டைல் பெற்றுள்ள பர்க்மேன் ஸ்டீரிட்டில் ஸ்டாண்டர்டு மற்றும் ரைட் கனெக்ட் வேரியண்ட் உள்ள நிலையில் கூடுதலாக பர்க்மேன் ஸ்டீரிட் EX மாடலும் விற்பனை செய்யப்படுகின்றது. எல்இடி ஹெட்லைட், டிஜிட்டல் கிளஸ்ட்டர், டூயல் டோன் நிறங்கள் என மேம்பட்ட பாடி கிராபிக்ஸ் கொண்டதாக விளங்குகின்ற மாடலின் ஆரம்ப விலை ரூ.98,535 முதல் துவங்குகின்றது.
Burgman Street EX
சாதாரண மாடலில் இருந்து ரூ.20,000 விலை கூடுதலாக அமைந்துள்ள பர்க்மேன் ஸ்டீரிட் EX வேரியண்டில் இரு பக்கத்திலும் 12 அங்குல அலாய் வீல், சத்தமில்லாமல் ஸ்டார்ட் செய்யும் வசதி, தானாகவே போக்குவரத்து நெரிசல் உள்ள சமயங்களில் என்ஜின் ஆஃப் ஆகும் வசதி உள்ளிட்டவற்றை கொண்டதாக அமைந்துள்ளது.
| Burgman Street | எக்ஸ்ஷோரூம் | ஆன்ரோடு |
| Burgman Street STD | ₹ 98,535 | ₹ 1,18,581 |
| Burgman Street Ride connect | ₹ 1,02,536 | ₹ 1,24,011 |
| Burgman Street EX | ₹ 1,18,937 | ₹ 1,42,452 |
கொடுக்கப்பட்டுள்ள தமிழ்நாட்டின் ஆன்ரோடு விலை கூடுதல் ஆக்செரிஸ் மற்றும் நீட்டிக்கப்பட்ட வாரண்டி உள்ளிட்ட விபரங்களை சேர்க்கப்படும் பொழுது மாறக்கூடும்.
