2024 ஆம் ஆண்டிற்கான யமஹா ஃபேசினோ 125 Fi ஹைபிரிட் மற்றும் ரே இசட்ஆர்125 Fi ஹைபிரிட் என இரு ஸ்கூட்டர்களிலும் மொத்தமாக 4 புதிய நிறங்கள் இணைக்கப்பட்டு டிரம் மற்றும் டிஸ்க் என இரு விதமான ஆப்ஷனை பெற்றுள்ளது.
ஃபேசினோ 125 மற்றும் ரேஇசட்ஆர் 125 என இரு மாடல்களிலும் பொதுவாக 8.2 hp பவரை வழங்கும் 125சிசி எஃப்ஐ என்ஜின் அதிகபட்சமாக 10.3 Nm டார்க் வழங்குகின்றது. இதில் சிவிடி கியர்பாக்ஸ் கொடுக்கப்பட்டுள்ளது.
2024 Yamaha Fascino 125 Fi & Ray ZR 125 Fi Hybrid
ரேஇசட்ஆர் 125 ஸ்கூட்டரில் ஒற்றை சியான் ப்ளூ நிறம் சேர்க்கப்பட்டுள்ளது. அடுத்து, 125 ஃபேசினோவில் சியன் ப்ளூ, சில்வர், மெட்டாலிக் பிளாக் மற்றும் மேட் காப்பர் உட்பட முந்தைய நிறங்கள் என மொத்தமாக 7 நிறங்கள் இடம்பெற்றுள்ளது.
125Fi ஹைபிரிட் எஞ்சின் ஆனது ஸ்மார்ட் மோட்டார் ஜெனரேட்டரை (Smart Motor Generator -SMG) இணைத்துள்ளது. இதன் மூலம் சத்தமில்லாமல் ஸ்டார்ட் செய்கின்ற வசதி மற்றும் மைல்டு ஹைபிரிட் சிஸ்டத்தை செயல்படுத்துகின்றது. மைல்டு ஹைபிரிட் சிஸ்டம் சிறந்த எரிபொருள் திறன் வழங்க முக்கிய காரணமாக உள்ளது.
- யமஹா ஃபேசினோ விலை ரூ.83,950 முதல் ரூ.95,550
- யமஹா ரேஇசட்ஆர் 125 விலை ரூ.86,310 முதல் ரூ.93,810
(Ex-showroom Tamil Nadu)
